#منقوووولة حبوباتيي♡♥ 🍕🍹جبتلكم كرونيك تونسية عنوانها: #أحببت_مجنون.. أبطالها:#نور_ونزار.. اذا راكم هنا نحطها؟! 🐬الحلقة 1 🐬 كانت واقفة على حافة البحر و عيونها مليانة دموع عندها غصة و احلة في قرجموتها حابت تضهرها حابة تصرخ باعلى صوت و تقول"يا ربي علاش هكا ؟ علاش انا ؟ شبيهم هما لباس وانا مكتوب عليا العذاب ؟ كان ما تنجحش العملية نموت و كان ما متش نولي معاقة على كروسي شكون بش يغزرلي انا و قتها ياربي علش حاطيتني بين نارين ياربي رحمني و خفف عذابي" نور بنية اقل مايقال عليها روعة زين و رباية و منين عطاها ربي كمللها الشعر اكحل توتة و البدن كمنجة على حالو العين خضرة و الخد وردة من عائلة متوسطة ماديا كانت حساسة بارشا و اقل كلمة توجعها و تبكيها و ابسط كلمة تفرحها لكن في الدنيا هذي تعلمنا انو الكمال لله عزو جل و انو مفمش انسان الا و عندو عيب فيه اذا كان مش في الاخلاق في الخلق حكاية نور بدات ملي عمرها 9سنين و قت لبدات تحس بضيق في النفس مبعد اكتشفت الي هي مريضة ب"" و "سكوليوز" هذا مرض يصيب العمود الفقري متاع الانسان "scoliose"