Hər şey bir adla başladı. "Mirayel..." Gecənin sükutunda səslənən bu ad, gənc bir qızın həyatını geri dönməz şəkildə dəyişir. Ay işığının solğun kölgələri altında reallıq parçalanır, evlər boşalır, səslər susur və zaman öz axarını itirir. Bir məhəllə bir gecədə yox olur. Qapılar açılmır. İşıqlar yanmır. Və masanın üstündə yazılan tarix hər şeyi alt-üst edir: 1587. Halbuki o, 1758-ci ildə yaşayır. Bu, zamanın oyunu, yoxsa ağlın sərhədlərinin dağılmasıdır? Yoxsa alov rəngli baxışlara sahib bir varlıq onu illər öncədən gözləyir? Qorxu ilə maraq arasında qalan bir ruhun hekayəsi... Sevgi ilə lənətin bir-birinə qarışdığı, ayın sükutla pıçıldadığı sirlər haqqında bir roman. Bəzən ən təhlükəli pıçıltı qaranlıqdan gəlmir - öz içindən gəlir.