Ipinangako ni Hanna na kapag nakita niya ang lalaking nagbigay sa kanya ng music box ay hinding-hindi niya palalampasin ang pagkakataon. Naitaga na nga niya iyon sa bato, eh. Malaki ang naitulong ng music box para maka-move on siya sa nangyari sa kanyang Ate Hazel. At malaki rin ang pasasalamat niya sa taong nagbigay niyon sa kanya. Dininig naman siya ni Lord. Pero nang dumating ang araw na nagtagpo uli kanilang mga landas ay hindi makapaniwala si Hanna. Dahil si Chase Mondragon, their campus' notorious bad boy, ang lalaking matagal na niyang hinahanap!