(This can be a stand alone novel.) Kilala na natin si Ren bilang masipag, kuripot, at business-minded na babaeng katutuntong lamang sa ikalabingwalo niyang kaarawan. Hindi maikakailang nagdeklara ng seryosong kompetisyon para sa kanya ang kanyang mga kaibigan laban kay Knight ngunit wala sa isip ni Ren ang mga bagay na ito lalo pa at hindi niya inaasahan ang mga pangyayaring lalo pang gugulo sa kanyang buhay. Nang dahil sa hindi ka-kumbinsidong kutob ni Knight sa biglaan na lamang paglantad ng Royal Bounty Hunters sa kaso ni Ren na dapat ay simpleng kidnap for ransom lamang, mapapaisip ang lahat kung sino nga ba si Renaissance Apostol, isang araw bago siya mapadpad sa Boystown. Book Two of the Boystown Girl Series

Tama nga ang hinala ni Ren simula pa nang umusbong ang salungatan ng mga mundong hindi niya inakalang kinabibilangan na rin niya: Ang tao ay kikilos para sa kanyang sariling hangarin. Pera. Kapangyarihan. Kayamanan. Paghihiganti. Hustisya. Pagmamahal. At sa likod ng masisidhing dahilang nagdidilig sa tapang ng bawat manlalaro sa larong pinagpasyahan niyang laruin, matututuhan ni Ren ang pinakamahalagang bagay na maging anuman ang dahilan upang mabuhay, ang pagkatuto rito, ang magiging pinakamalakas na sandata niya laban sa mga mapanlinlang. Mapansamantala. Mapagmalabis. At mapagkunwari. "Susubukin ang tatag ng tao habang siya ay tumatanda, Apo. Ang malungkot lamang, hindi ka pa nagsisimulang tumanda. Bata ka pa ngunit ang iyong mga kahaharapin ay tiyak na hindi kagaya ng mga nasaksihan ko na." Hanggang saan ang kaya mong abutin at sikmurain upang maipaglaban ang iyong pangarap, karapatan, damdamin... Higit sa lahat, kawalang-sala? *** Still That Boystown Girl Book 3 of That Boystown Girl Series

Alam ni Ren na mahirap ang buhay na nag-aabang sa kanya simula pa lamang nang mamulat siya sa mundong hindi dapat niyang kalakihan. Gayunpaman, isa siya sa mga batang hindi nabigyan ng pagkakataong makasama ang kanyang magulang kaya naman siya ay namulat sa Boystown - isang bahay ampunan para sa mga batang lalaki. Hindi nagtagal ang kanyang pananatili dito dahil sa isang batang lalaking sumira sa mga pangarap niyang magkaroon ng bagong pamilya. Gayunpaman, hindi iyon naging daan upang magpalugmok siya sa kanyang kapalaran. Lumaki siyang responsable, masipag at matiyaga upang maalagaan ang kanyang sarili at ang kanyang Lolong tumayong kanyang tunay na pamilya. Sa kabilang palad, hindi niya matatakasan ang kanyang sariling kwento. Patunay iyon nang makilala niya si Knight, isang lalaking anak-mayamang palagi niyang makakabungguan sa mga pagkakataong may mga hindi pangkaraniwang pangyayari sa kanyang tahimik na buhay. Ano kaya ang magiging papel ni Knight sa kanyang buhay samantalang masyado na siyang binibigyan ng sapat na sakit ng ulo ng walong lalaking kasabayan niyang lumaki?