"Tatanggapin ko ang pag-ibig mo nang buong-buo at susuklian ko pa nang sobra-sobra." Nagtamasa ng marangyang buhay si Gabby sa piling ng mga Dizon-ang pamilyang kumalinga sa kanya. Ngunit isang krimen ang bumago sa buhay niya. She was sixteen when her Mommy Myrna and Daddy Ardo died. May mga magnanakaw na sumalakay sa bahay nila at pinatay ang pangalawa niyang mga magulang. Ang masakit, isang kaibigan niya ang sangkot sa pagpatay sa mag-asawa. Dahil doon kaya lalong lumayo ang loob ni Abel sa kanya. Ang binata ang nag-iisang anak ng mga Dizon. Umalis ito ng bansa na galit sa kanya. Pagkalipas ng walong taon, bumalik si Abel at binulabog ang mundo niya. Galit pa rin si Abel at si Gabby naman ay gagawin ang lahat para mapatawad ng binata. Inalila siya nito, tinanggap niya. Hindi naman nasayang ang effort niya dahil napatawad din siya ni Abel kalaunan. Pero isang araw, sinabi ni Abel na mahal siya nito. Iyon daw ang dahilan kaya hindi ito pumayag na ampunin siya ng mag-asawang Dizon. Malaki ang naging epekto niyon kay Gabby dahil sa totoo lang ay matagal na niyang iniibig si Abel. Mula noon ay ipinaramdam ni Abel sa kanya kung gaano siya kamahal ng binata. Gustong-gusto niyang maniwala, kahit pa maraming pagkakataon na naiisip niya na paraan lang ni Abel na paibigin siya at didispatsahin din dahil magpasahanggang ngayon ay galit pa rin ito sa kanya.

Ella is a free-spirited, hopeless romantic, twenty-year-old girl na gustong gumanda, gustong paibigin si Paul, gustong yumaman, at gustong makita ang tatay niya. She was given a chance to fulfill her wishes sa pamamagitan ng isang shooting star. But what if a shooting star doesn't work? Enter Gin, ang supladong genie. Sa pamamagitan ni Gin, maari niyang matupad ang tatlong wishes niya, may bonus pang isa. Pero paano kung kabaligtaran ng wishes niya ang mangyari? Pa'no kung ang pangit, lalo pang pumangit?

Isang ordinaryong dishwasher/server si Amy sa restaurant na kung tawagin ay Cheesecake Factory, pero isang gabi, nagbago ang kanyang kapalaran ng makaengkwento niya ang theoretical physicist na si Sheldon Copper. Iniligtas niya ito sa tangkang pagpapakamatay at iniligtas rin naman siya nito para hindi siya mapalayas sa inuupahang apartment sa pamamagitan ng pagbibigay sa kanya ng raket bilang pretend girlfriend nito. Yun nga lang, sa kasamaang palad, ang puso niya ang hindi nakaligtas sa pagkahulog sa lalaki. Na-in-love siya rito, subalit kung kailan inakala niyang tunay nang nagkaroon ng "agreement" ang kanilang mga puso, saka naman siya sinampal ng isang masakit na katotohanan tungkol sa lalaki. Mananatili kayang hanggang sa papel nalang ang kanilang relationship agreement?

Arabella's almost perfect world shattered when her fiance went missing on the day of their wedding. Ang masakit at wala man lang itong ibinigay na matino at katanggap-tanggap na rason kung bakit iniwan siya nito. Pinayuhan siya ng boss at kaibigan niya na magbakasyon muna para makapagpahinga at makapag-isip-isip. Naisip niyang tama ito kaya pumayag siya sa suhestiyon ng babae na sa resthouse ng pamilya nito sa Quezon magpunta. Ang akala niya ay makakapagpahinga siya ng maayos roon, pero isang gabi pa lamang siya sa pananatili doon ay dumating ang isang napaka-aroganteng lalaki na sumira ng pamamahinga niya - si Jared. Pinsan pala ito ng boss niya at naroon din ito para magbakasyon. Pagkatapos ng matinding diskusyon at nagkasundo sila pareho na manatili doon. Magkasama sila sa resthouse pero wala silang pakialam sa isa't-isa. Pero sadyang mahirap iwasan ang atraksiyon na nadarama niya para rito. This beast was so damn hard to ignore!

Noon pa man in love na si Winnie kay Jeremy. Hindi niya itinatago ang nararamdaman para sa binata. Kaya lang palagi siya iniiwasan ni Jeremy. Wala tuloy nangyayaring progress sa relasyon nilang dalawa. Kaya nang malaman niya na magbabakasyon sila ng kaibigang si Ailyn sa isang malayong isla kasama si Jeremy, gumana kaagad ang utak niya. Nagdesisyon siyang paibigin ang binata sa pamamagitan ng isang planadong pagkaka-stranded sa isang isla na silang dalawa lang. Mukhang effective ang plano kasi habang stranded sila ilang beses siya hinalikan ni Jeremy. Dama ni Winnie, in love na rin sa kaniya ang binata. Until he learned about her plot. Sa halip na love, naging hate ang nararamdaman ni Jeremy sa kaniya. And Winnie was left with a broken heart.

Nalaman ni Alyssa nang makipaghiwalay sa kaniya ang long time boyfriend niya na kapag pala broken hearted ka ay para ka ring namatayan. At katulad ng grief ay may stages din na kailangan pagdaanan para tuluyang maka-move on sa heartbreak. Sundan ang kaniyang journey to recovery. Pagdating sa dulo, tuluyan na kaya siyang makaka-move on?

Dahil sa halos siyam na taon na nilang relasyon, labis na ang pagtitiwala ni Jelay sa kasintahang si Peter. Kahit pa nga ba naging kasinlaki na ng refrigerator ang kanyang katawan, naniniwala pa rin si Jelay na mahal siya ni Peter. Ngunit nagkaroon ng lamat ang pagtitiwalang iyon at tinubuan ng insekyuridad sa katawan si Jelay nang hindi sinasadyang makita niya si Peter na may kasamang sexy at matangkad na babae. Inilihim iyon ni Peter kaya napilitan siyang sundan-sundan ang kasintahan. At sa pagsunod-sunod ni Jelay, lalo lang nadagdagan ang kanyang insekyuridad nang magpatuloy ang pagkikita ng nobyo sa babaeng itinuring na ni Jelay na karibal. Sa udyok na rin ng isang kaibigan, napilitan si jelay na baguhin ang kanyang lifestyle at maglunsad ng "Operation: Diet." Ngunit diet nga ba ang solusyon para mabalik ang confidence niya at tiwala kay Peter na nangakong siya lamang ang babaeng pagkamamahalin?

Hinulaan si Jade na ang lalaking nakatakda para sa kanya ay makikilala niya sa isang hindi inaasahang sitwasyon at may initials na RVT. Pinanghawakan niya ang hula, umasang magkakatotoo iyon. Kaya naman nang makatanggap siya ng invitation sa Party of Destiny ay dumalo siya. At sa game na Kiss of Destiny, aksidente niyang nahalikan ang isang lalaki na ang pangalan ay Robert Villamor Torres. Masyadong mailap si Robert. Pero sa paniniwalang ang lalaki ang tinutukoy sa hula, ginawa ni Jade ang lahat upang mapalapit ang loob ng binata sa kanya. Kung kailan naman nagbubunga na ang kanyang paghihirap - mukhang nahuhulog na rin ang loob nito sa kanya - ay saka naman niya nakilala ang pinsan ni Robert na si Raven sa isa ring hindi inaasahang sitwasyon. Si Raven Villamor Tan o RVT. Naguguluhan siya. Sino sa dalawang RVT ang totoong nakatadhana sa kanya?

"Sabihin mo lang na ligawan kita, hindi lang puso mo ang nanakawin ko. Pati ang buong pagkatao mo, aangkinin ko." Masayang-masaya si Justice sa paglipat niya sa kanyang bagong bahay. Nag-overflow ang creative juices sa utak niya at nakapagsulat pa siya ng isang article bilang columnist sa isang sikat na women's magazine. Ngunit habang nagsusulat ay nakarinig siya ng kaluskos mula sa banyo. All of a sudden, a man came out of her comfort room! At isa itong magnanakaw-a virile, charismatic, and captivating magnanakaw. Imbes na kabahan na baka may gawing masama ang lalaki ay nagawa pa ni Justice na makipagkaibigan dito. At habang tumatagal ay nakilala niya ang tunay na pagkatao nito. Hindi masamang tao si Pierre kagaya ng kanyang inaakala. Actually, Pierre was the most compassionate man Justice ever met, and she had found herself willing to have her heart stolen by him...

"Araw-araw sa paggising ko, ikaw kaagad ang iniisip ko."