رواية ما بين الماضي و الحاضر ، بين بغداد الماضي و بغداد اليوم ، ورحاب الذكريات و نور المستقبل ،شخصيات كثيرة و حوادث كلها تدور ما بين الحب و الفراق والموت .

الكاتبة ساره مزهر

وأضمك للعشگ ليله جنوبية ____________________ سمعت خطواته تقترب ناحيتي تقترب نحو الغرفة ... دخل للغرفه حسيت كأنما أعصار صار داخل الغرفه ... سد الباب بقوه وجفلت لانو أصدر صوت قوي و بعدها قفل الباب بلمفتاح ... اني هنا ذرة عقل ما بقت براسي ... حجيت بصعوبه وأني بلكوا اتنفس من خوفي وجسمي كام يرجف ... ليش سديت الباب بس هوا ماجاوبني وما أنطاني أي اهميه انداريت عليه بخوف و انتبهت ع منضره ... حواجبه المعكوده .. عيونه الخضر ملامح وجهه .. اللي كلهه عصبيه ونضرته البارده .. الي اللي ما متعوده عليهه من الصغر ... من ينظر هاي النضره معناته عصبيته وصلت لأبعد الحدود .. وعلى أي سَـآعــهْْ يتحول لـ اسد ويكون أسم على مسمى ..عيونه صايرة حمر من الغضب و موجه انضاره علية ... و شرايين ركبته البارزه و قبضة ايده اللي بارزة عروقهه من الشده وقوة القبضه حاولت انهزم منه بس هوا كان اسرع مني و بخطوة سريعة وحدة وصل لعندي و طوقني ... وصرت قريبه على صدره و صارت انفاسه الحارة تضرب بوجهي .. ضليت اقطع بالحجي الكلمات اختفت كلهن راح من بالي ضليت اجمع الكلمات ببالي أريد انطق حرف واحد ما أكدر ... جسمي يرجف حيلي باد من صرت بين أديه حجيت بخووف وتقطع شـ .. شـتـريد أسـد فدوه ما مسويه شي والله هدني أسـد .. وهو حاضني ومطوقني من كل الجهات بين أديه ومخلي عينه بعيني ..