نترت بوجهه » متمشي كلمتك عليه صارت عيونه بعيوني كلها غضب وعصبيه لزمني من عكس ايدي وقربني اله يحجي بعصبيه ينصي ويعلي بصوته وانفاسه الحاره احسها قريبه مني تبث البركان الي بداخله » تمشي عليج وعلئ الاكبر منج فهمتي لو لا وطولت اللسان وياي متفيدج اتسوين الگلته وانتي الممنونه مفهوووم التفت علئ زينب وگال فهميها لاختج كلامي احسن ما اسوي شي ليعجبها وليعجبجن دار وجه واتجه للتخم بعصبيه اخذ تلفونه وسويجه وباكيت الجگاير وطلع عباس هم طلع وراه التفتتلي رونق. » كسري الشر معوده وسوي مثل مگال تره مبين ميتفاهم وشفتي شگد معصب » گتلجن ماسوي الي يريده ومتمشي كلمته عليه وشيسوي خيسوي عفتهن وصعدت للغرفه وقفلت الباب اتجهت للسرير واني دمي فاير منه

بقلم .. الاميره الموسويه *ملاحظه ... ((تم تغيير اسم القصه من مكالمه غيرت حياتي الى صدفه بالجامعه )) اول شي احب اوضح انو اني احب الروايات والقصص واكتب شعر بس ولا مره ناشره او كاتبه روايه ولما دخلت ع الواتباد وشفت القصص حبيت انشر اول قصه وان شاء الله تعجبكم وتتفاعلون ويا احداث قصتي ? واي خطأ حاولو تساعدوني لانوو اول تجربه الي ? ? القصه باللهجة العراقيه ?