قصه منقوله للكاتبه ازهار ذابله عندما يكون مجتمعك هو سجن وانت المتهم الوحيد ...عندما تسجنك الظروف عندما تغتال الضحكات عندما تقتل الطفوله عندما تموت الروح ويبقى الجسد عندما تذهب لـ عالم اخر لا مكان لك معهم عندما تهرب وانت تعلم بـ انك سـ تسجن في اخر محطات الهروب ... قصه من وحي الخيال اذكر بيه حاله عند بعض الامهات مو كلهم حته لا اظلم الامهات عنوانها (امي تبحث عن عريس) .

البارت ٩ قيس من خلص الدوام رحت ع امي للمدرسه واخذتها وتغدينه سوه بمطعم امي نتبهت عليه شبيك سارح تفكر بهدى شمرت الخاشوكه من ايدي شجابها بالنص هي ياماما شبيها تحبك واهلها ناس طاكين ومثقفين وعجبتني قيس ....ماما انت متفكرين بس بالمضاهر شنو مشاعري مالها قيمه اني ام قيس شنو مشاعرك عندك وحده ابالك اذا عندك وحده ابالك لازم اعرف اصلها وفصلها وهي شنو يلا قيس ....ماما سدي الموضوع دخيل اهلج طالعين دنتونس شجاب هالحجي بالنص ام قيس ...احجي الي قيس اكو وحده ابالك هسه لا ماما ماكو وحده ابالي داافكر اطلع يم عمار اخويه باربيل نتجيت ع الكرسي وبديت اباوع صفح ام قيس ..وتعوفوني اثنينكم هي هيج قيس ماما لعد سدي هالموضوع ولتفتحي بعد قيس ....ماشي راح اسده هالموضوع بس خليها ابالك تره مو اي وحده اخليك تتزوجها قيس ....هزيت براسي وراح بالي يم ام الولد شجابها ابالي هسه ليش مداتطلع من بالي هي حجايتين حجينه شون اخذت كل عقلي كملنه اكل وطلعنا من المطعم رحت ويا امي للبيت نمت وبالي يمها خابرتني هدى مجاوبت صار العصر سبحت وبدلت وطلعت بالسياره اخذتني روحي للفرع الي شفتها دخلت بي بقيت افتر بي شفت اسواق فتت اشتري هي سوبر ماركت جبير فتت اشتري جكاير لمحت بنيه من بعيد لابسه عبايه خليجيه وشال رصاصي وياهه مره تمشي بثكل تقربت اكثر تاكدت نفسها ام الطالب لابسه شال بلون عيونها ويلي وعبايه خليجيه مخصره بقيت اراقبها من بعيد شون هادئه وتبتسم وي المره الي وياهه والرصعه تضهر بشكل ساحر ع خدها الايمن كلبي يريد يطلع من مكانه يروح الها مشفت ابنها وياهه وحدهم اشترو شغلات وسمعت المره تكوللها سمسمه هي مشافتني بس اني سمسمه هي بقلاوة حلقوم مو سمسم هه & & & #رواية_اتمنى_البقاء_بقربك😻🦋 سوي اعاده توجيه للي تحب يقرا معاك🐣