*كاملة* هنا رح تلقاو : ضحك بزاف / تبهليل بزاف / تفاهة بزاف / صداقة فريدة من نوعها / حب معقد/ مغامرات هبال / فواياج بزاف و الاهم رح تلقاو الفوتبول بزاااف تحذير هام : هاد لحكاية مكانش منها اطلااااقااااا ... طانكيو 😗

طيطيط العودة 😍😍😍😍 رجعتلكم يا لكيب اذا لقيت تفاعل نكملهالكم في اقرب وقت بعنوان #تزوجت_هندية من تأليف #ايمان_بلوطار كرونيك طيارة واحداث هبال 😘 من حب 💜وعشق 💓وغيرة😏 واكراه 💪زواج وتكتبوا لبعضاهم 💋😘😘😘😍😍😍😍 الحلقة الاولى 💓 _نعم لباس ياخي _ واش بيك طرت ونزلت علاه واش قلت _ جدي متتمسخرش بيا اوك قلتي اقرى كيف ماتحب قريت قلتي اخدم فشركة ويزيك من تبهليل ضغر وقريت قتيلي متسافرش لامريكا وما سفرتش اما ضرك تجي تقلي زوج لا هاذي ياسر _ اعرف كيفاه تهدر مع لكبار _ جدي مستحيل نزوج بيها وهاني قتلك _ سراج لي قتهولك موش طلب راهوا امر وانت تنفذ _ مستحيل _ مالا راح نطر نحرمك من كامل املاكي ونعطيهم ل رائد ولد عمك _ علاه تعمل هكا _ على جال املاكي منيش حابتهم يروحوا من بين يديا _ جدي مي انا منعرفهاش وجامي شفتها _ راهي جاية غدوة وضرك تتعرف عليها _ جدي ..... قص عليه وعلى في صوتوا عامل نبرة الامر وقال : كلامي يتنفذ وتزوج بيها _ منيش مزوج بيها ولي يصير يصير اوك هز روحوا وطلع وخلاهم في وصت مرموغة كبيرة مهمش فاهمين فيها والوا عائشة : ( ام سراج ) بابا واش لي تقول فيه علاه تعمل هكا مع ولدي سراج محمد ( الجد ) : اه يا بنتي انا ثاني مجبور نحافظ على املاك لعيلة سعد ( اب سراج ) : واش تقصد بكلامك بابا محمد : فرح اطلعي لشومبرتك

سلام حبايبي ليوم جييت بحكاية هبااااال راح تعجبكم لانو من واقعنا الي كااااامل جزنا عليها لمهم نحبكم و توحشتكم لي تحب حكاياتي تخليلي تعليق 😘😗😍 👈عودة الألم 👉 شهرزاد و محمد . رزان و اميمة خاوة من اب واحد عائلة مثالية محافظة على عادات و تقاليد كلش منظم تقول عليهم آلة توفات يمات شهرزاد و هي مولات عام عاود باباها زواج بنعيمة لي هيا يمات محمد و اميمة اما رزان فهي بنت العشيقة .. سي كريم يخدم في سونطراك يعني لاباس بيه صح منظم و مثالي مي يموت على نسا و التبدال يمات شهرزاد توفات كي سمعت بيه عندو رزان يعني بنت.... و تزوج و طمع مرتو دوزيام بلي رزان و شهرزاد خيات من ام .. و كامل العيلة مخبيين هاد السر ... ليوم شهرزاد تقفل 24 سنة طفلة تهبل في زين و اخلاق مخطوبة لوليد صاحب باباها إلياس اما رزان راح دير 23 سنة و محمد 21 عشرين و اميمة 15 سنة حياتهم ولا اروع متفاهمين و يحبو بعضاهم ...👩‍❤️‍👩💑‍👨‍👩 ‍ليوم ناضت بكري نعيمة راحت جابت لڨاطو و كااامل دوزان باش تفرح شهرزاد بعيد ميلادها و تفاهمو كاااامل بلي سوربريز 😍

جبتلكم كورنيك تهبل حقيقية من الواقع 😍😍😍😍هبال ومتاكدة تعجبكم .#الحلقة_1: صفية : خلوود خلوود خلود : وي ماما ؟ صفية: نوضي تغسلي الماعن . خلود : هاني جاية . ... شوية هاك دخلت صفية للكوزينة لقات الماعن مزالو تقلقت...راحت عند خلود لبيتها صفية: مزلتي مع الفيزبوك ؟؟ خلود : ههه ماما فايسبوك فايسبوك. صفية: ايه فيزبوك...درك تحطيه وامشي تغسلي ماعنك. خلود: اصبري ياماما نكمل الكرونيك ونجي صفية : واش هذي كورني ؟؟ خلود: هههههه خاه عليك يا ماما كرووونيك يعني قصة ..قصة بزااف شابة يحطوهم هنا فالفايسبوك ..ياماما يهبلو. وعنقت تليفونها وغمظت عينيها فرحانة. صفية: يصفر وجهكم هبلكم التليفون هذاك...نوضي تغسليهم وولي اقراي . خلود: منقدرش يا ما ما ..راني بالايت ويكومنتو بزااف ومنلحقش الحلقات...ولايت ملازمش ديباسي مية كومنتار صفية: والله مفهمت واش راكي تهدري ..نوضي اغسلي لماعن هيا خفي . خلود بعيون حزان : عيشك ماما خليني نكملها عيشك. صفية: خلود نزعف عليك. خلود : بففف خلاص هاني رايحة.. حطت كيتمان وراحت تغسل لماعن تاع ىعشا وتغني . .. ياحبك ساكنلي فلدم وعلى ذراعي غادي نوشم ولد الحومة مابغا يحشم قتلاتو لغيرة ولسم وهايا يا .. كملت الماعن ترمات في فراشها دخلت تقرا الكرونيك لي داتلها عقلها ..تاع الڨلب تاع الكاتب رزقو خلود: اوووف فاتوني

#منقولة جبتلكم كرونيك خفيف كي العادة نجوزو بيه العشية فالقمة روعة الحق ❤❤ يالله تفاعل او جام على كل حلقة🥰 [#بعنوان : [#💕الوريثة المفقودة💕] نلقى تفاعل نحط

هذي لحكاية لصحبتي Hiba سلام ليوم حبيت نحكيلكم حكايتي انا اسمي نسرين في عمري 23 سنة راح نوصف روحي😁 انا خمرية و شعري طويييل ، شورابي منفوخين ، قصيرة 😂 و عريضة لاطاي تاعي شابة 😋 (حوحو شكر روحو) نقرا طب و الحمد الله ناجحة في قرايتي و الشي الوحيد لي خلاني ننجح هو القرب من الله و كنت ما نخلطش بزاف و نسكن في العاصمة حكايتي بدأت كي كان في عمري 18 سنة في اليامات لي بنت خالتي ياسمين كانت راح تتزوج ..... كيما اي عائلة حنا البنات نروحو نباتو قاع كيف كيف نعاونوهم..... جازت الخطبة ... انا كنت بايت عدهم مع بنات خلاتي و بنات عمة العروسة ... انا كنت شاطرة بزاااف😁 كنت نوض بكري نلبس حبة و ندير شعري كوتشوفال و نلبس طابلية و نبدا تخدم..... نهار العشا لبست جبة شابة بالأزرق 😍 جاتني تهبل و طميت شعري و بدينا نخدمو قاع كيف كيف بداو الناس يجو و الوقت باش نبداو نعشو انا عطاولي مهمة و لي هي ندي الماكلة الرجال بحجة انا هي صغيرة😩 مي انا فرحت لانو كان تما وليد خالتي (عبدو) حب الطفولة ... نحبو نموت عليه لكن ما عترفتلوش بحبي ليه كنت خايفة من العائلة تسمع مام هو يحبني و لكن واحد ما اعترف للآخر الشيء لي يبين الحب هو الأفعال ....

سلام هاد دوزيام رواية ليا راح نحطها هادو لياماا ايدا لقيت تفاعل نكملها