يقولو ناس زمان همك يجيك من دمك و انا نقول قادر الرحمة لي تلقاها في الغريب ماتلقاهاش في لقريب... لكرونيك تحكي على زوج بنات تجمعهم الصدفة في وقت تكون فيه ظروفهم حطمتهم و تعبتهم..زعما يلقاو الخير في بعضاهم؟و زعما يكون كاين حب في حياتهم؟

جبتلكم كورنيك تهبل حقيقية من الواقع 😍😍😍😍هبال ومتاكدة تعجبكم .#الحلقة_1: صفية : خلوود خلوود خلود : وي ماما ؟ صفية: نوضي تغسلي الماعن . خلود : هاني جاية . ... شوية هاك دخلت صفية للكوزينة لقات الماعن مزالو تقلقت...راحت عند خلود لبيتها صفية: مزلتي مع الفيزبوك ؟؟ خلود : ههه ماما فايسبوك فايسبوك. صفية: ايه فيزبوك...درك تحطيه وامشي تغسلي ماعنك. خلود: اصبري ياماما نكمل الكرونيك ونجي صفية : واش هذي كورني ؟؟ خلود: هههههه خاه عليك يا ماما كرووونيك يعني قصة ..قصة بزااف شابة يحطوهم هنا فالفايسبوك ..ياماما يهبلو. وعنقت تليفونها وغمظت عينيها فرحانة. صفية: يصفر وجهكم هبلكم التليفون هذاك...نوضي تغسليهم وولي اقراي . خلود: منقدرش يا ما ما ..راني بالايت ويكومنتو بزااف ومنلحقش الحلقات...ولايت ملازمش ديباسي مية كومنتار صفية: والله مفهمت واش راكي تهدري ..نوضي اغسلي لماعن هيا خفي . خلود بعيون حزان : عيشك ماما خليني نكملها عيشك. صفية: خلود نزعف عليك. خلود : بففف خلاص هاني رايحة.. حطت كيتمان وراحت تغسل لماعن تاع ىعشا وتغني . .. ياحبك ساكنلي فلدم وعلى ذراعي غادي نوشم ولد الحومة مابغا يحشم قتلاتو لغيرة ولسم وهايا يا .. كملت الماعن ترمات في فراشها دخلت تقرا الكرونيك لي داتلها عقلها ..تاع الڨلب تاع الكاتب رزقو خلود: اوووف فاتوني

لكلّ إنسانٍ لحنٌ خاصٌّ به يمثّلُ حياته، تجسّد نغماته الحزن والسعادة، الخيبات والأمل، الانتقام والغفران، وأخيراً الكره...والحب. "الكاميليا السوداء" كان لقبها الذي اشتهرت به بين المجرمين والقتلة. جميلة جداً كأزهار الكاميليا وسوداء لأنّها أسوأ عدوٍّ لهم. محققة محترفة لم يتضمن لحنها نغماتٍ للاستسلام أو الخسارة أو...الحب، حتى أتى هو وغيّر كلّ الألحان.

سلام لبنات...انا جديدة هنا و هادي اول مرة نحاول نكتب كرونيك و بذلت فيها جهد كبييييير😥😥جيت نشاركها معاكم...نتمنى ترحبوا بيا و تعاونوني و تشجعوني و تنصحوني تاني لغلطت في كاش حاجة...راح نبدا اليوم نحطها و نتمنى تكون عند حسن ظنكم و تعجبكم و انا بانتظار آرائكم و تعليقاتكم و راح نستقبل نقدكم بصدر رحب الكرونيك هادي من نسج خيالي و شخصياتها وهمية و كل احداثها خيالية 100% ما عدا المقاطع لي تحكي على الكحلوشة و الباك😁😁نتمنى تعجبكم love you😍