#سيانيد المقدمة فيه يوم هكي تحس ان الدنيا كلها خططت انها تعفلقك وتقعد علي اعصابك طول اليوم هاده بديت يومي بعركة معا خطيبتي مستعجلة عالزواج اني كنت حاط ف راسي لما نكمل قراية طب نخدم وندير فلوس ! بس بعد تعب سنين وقراية وجهد ! ملقيتش وين نخدم حاجة اضحك صح ! خدمت محاسب حاجة بعيدة بكل علي مجالي الي ضيعت سنين من عمري نقرا فيه ! مشيت ل خدمتي زي كل يوم وكنت علي اعصابي بسبب العركة معا خطيبتي ! المدير لسانه طويل كان لو تعطل يبدا يلقح ومش عاجبه وكنت متحمله بس اليوم هاده صار العكس اني الي عيطت عليه وطلعت ركبت سيارتي واني خلاص بننفجر حد يبتسم ف وجهي ممكن ننزل نتعارك معاه علاش ابتسملي ! درست ف سيمافرو نستنا ف الاشارة الخضراء درسو زوز سيارات وسكرو الطريق ! نزل واحد منهم بسلاحه ! خفت فالحظة هادي قلت زعما ع خاطر تعاركت معا المدير بيرفعوني ! درت السيارة ع D وبنخبط سيارة وبنهرب منهم علي الاساس ..بس ف لحظات عرفت انه مش اني الهدف !...تلفتت ايساري نشوف من الروشن ف سيارة الي جنبي بنت ملامح الخوف ع وجها شافتلي بنظرة ساعدني ! حطيت يدي ع الباب عقلي يقولي شن تنزل ! متشوفش بيهم بسلاحهم ! انتا شن دخلك ! وقلبي مش راضي يخليها يرفعوها علاااش اني منعرفهاش !! بقلم محمد مالك ملاحظة: معني الاسم ( نوع من انواع السموم )

للكاتب : أحمد عبدالله ، ‎تدور الاحدات سنة 2010 حول سبع شخصيات نسائية تقابلوا لاول مرة في احد شقق مدينة طرابلس " بنسيون نسائي " و لكل وحدة فيهم قصة و حكاية و مشكلة عانت منها في ظل مجتمع يسيطر عليه الرجال في كافة المناحي و لكن تحدت موأمرة لهم لتغير حياتهم رأس علي عقب ؟ فمن الفاعل و لماذا ؟ و ما مصيرهم ؟.

للكاتب #أحمد_عبدالله ، تدور أحدات الرواية حول بنت يتيمة كبيرة في العمر يتم أعطائها لعائلة لها نفوذ كبيرة بواسطة شخص في دار الايتام و يتم تغيير كل أوراقها و هويتها و المفاجاء انها ستكون زوجة أبنهم المريض النفسي الذي يعيش لوحده في منطقة معزولة 🌒 فكيف ستتصرف معه و هل ممكن تكون سبب علاجه و تغير مسار حياته ❓ . قراءة ممتعة 🌒

#سر_ياقوت 🌙 " ياقوت المصراتي " سياسية ليبية و صاحبة مشروع نهضة المراة و عضو في اللجنة الثورية سابقآ ، امراة لها نفوذ في الدولة ، و لكن يتغير مسار حياتها بعد العثور علي جثة ابنها " يوسف " في منطقة " مليتة النفطية " ، من الذي قتله و لماذا ، سر تحاول ياقوت حله بكل الطرق ! وسط اعداء يستغلوا انها من النظام السابق ؟ . رواية سياسية بأمتياز و لكنها تحمل حكمة ! " ليس هدف الرواية اي انحياز سياسي ابدا " . بقلم #أحمد_عبدالله . 📍 تنبيه هام لا تقرا او تضغط علي تعلقات الحلقة الاخيرة ، لعدم معرفة لعز الرواية و اقراء تعليقات الحلقات الباقية لان نوع الرواية الغاز ❤️