Pag-ibig Salitang nakapagbibigay sa puso ng sabik Naglalagay kulay sa mundong walang kilig Pumapawi sa nararamdamang pait Pag-ibig Salitang nakapagbibigay din sa puso ng lumbay Ito ma'y sumobra, kumulang o kaya'y di raw naging pantay Kung wala pa sa right timing at tadhana ang inyong pagkikita, para ka na ring binawian ng buhay Nanaisin mong hindi na magising, sa panaginip na lang mamuhay Pag-ibig Maraming naghahangad, naghahanap Papasok sa relasyon, nagbabaka sakaling kayo ang nakalaan para sa isa't isa Nagtitiis, lumalaban, dahil sa tingin mo kayo'y nagmamahalan Pero paano kung hindi ito ang kailangan ng iyong puso? Ika'y nauubos, napapagod, wala ng maibigay Kaya mo bang maging matapang? Piliing kumalas at maghintay? At kapag dumating naman ang oras, handa ka bang tumaya? Isugal lahat sa nakapagpadama sa iyo na ikaw ang kanyang panghabambuhay?