Isang malaking paglalaban sa pagitan ng mga anghel at dimonyo ang magaganap sa lupa, at nasa mga kamay ng grupo ng paranormal experts ang kapangyarihan para pigilan ito.

Pista na naman ng Sto. Niño de Tondo at lahat ay sabik nang magdiwang. Pero isang pandemnya ang iistorbo sa kasiyahan nang ang mga nagdiriwang ay makaramdam ng kakaibang gutom.

Ang Tren ay istorya ng isang lalaki at ang pagbabalik tanaw niya sa kanyang kamusmusan. Ito'y nangyari nang madaan siya sa isang vulcanizing shop sa tabi ng riles kung saan noong anim na taon pa lang siya'y dinadala siya dito ng kanyang ama para panoorin ang pagdaan ng tren. Isang maikling kwento na aantig sa inyong mga puso.

Inspired ng mga klassik Filipino movies na gawa ng studios tulad ng Sampaguita, Premiere at LVN, ito'y kwento ng mga artista, past and present, at ng mga taong nasa likod ng paggawa ng pelikula. Isang hindi malilimutang soap opera. Ang istorya ay tungkol kay Andrea Rosa, ang matandang curator ng isang movie museum at ang obsession niya sa lumang pelikulang pinamagatang "Dugo sa Bughaw" na kinikilalang "greatest Filipino film of all time" at ang napipintong modern remake nito na magbabago sa kanyang buhay.

Madalas makapulot ng barya sa lansangan ang 11-year old na si Boyet na nakatira sa may squatter's area. Nang mamatay ang kanyang ina, ay nauwi siya sa pagtitiis sa kalupitan ng kanyang ama at mga kapatid. Nakahanap siya ng kaibigan at tagapagtanggol sa isang matandang nagaayos ng mga bintilador. Isang gabi, sa hindi niya inaasahang pangyayari, nakatagpo siya ng isang bag na puno ng perang papel...katabi ng bangkay ng isang lalaki.

Matapos ma-aksidente ng simpleng mangingisda na si Manuel, nakumbinse siya sa sarili na siya ang second coming ni Jesus Christ. At siya'y naghanap ng mga disipulo para palaganapin ang banal na salita ng Diyos. Isang tragi-comedy, ito'y istorya ng mga ordinaryong mamamayan at ang mabuti at masamang dulot ng kapangyarihan ng kanilang pananalig.

Nagsimula ang lahat sa isang normal na araw sa pamilya ng mag-asawang Joanna at David Ruiz, at ng dalawa nilang mga batang anak na sina Macy at Marco. Hindi pa natatapos ang araw ay isang hindi inaasahang trahedya ang magaganap. Ang "Little Lambs" ay isang edge-of-your-seat na crime thriller.

Isang notorious na haunted house. Isang kaso ng demonic possession. Ang grupo ng paranormal experts na sina Father Markus na exorcist, Hannah na psychic at Jules na parapsychologist ay naglakbay tungo sa isang maliit na bayan sa Quezon Province upang mag-perform ng exorcism ng isang batang sinapian ng dimonyo. Nguni't para matalo ang dimonyo ay kinakailangan nilang gawin ang exorcism mismo sa haunted house kung saan ipinanganak ang bata, at sa tulong ng isang malakas na religious artifact. IT'S THE EXORCIST MEETS INSIDIOUS MEETS THE DA VINCI CODE.

Nagbabalik ang team ng exorcist, psychic at parapsychologist upang makipagtuos mismo sa hari ng kadiliman--si Satanas, at sa tulong ng isang private detective ay makakasagupa nila ang grupo ng mga Satanista habang ginagawa ang exorcism ng isang lalaking possessed may kakaibang sikreto. Book 2 ng JHS series na tampok ang grupo ng paranormal experts na sina Father Markus, Jules at Hannah.

Upang makalimutan ang masakit na break-up ay naisipan ni Samantha na magbakasyon sa bahay ng kanyang lolo at lola sa Baguio. Hindi magtatagal ay madidiskubre ni "Sam" ang malagim na sikretong nakatago roon sa ilalim ng madilim na silong.