Offsprings 21 members, family tree, and partners/love interest.

Falling in love was Faith least priorities. Masyado kasing istrikto ang mga magulang niya. Kaya nang Manalo siya ng trip to Palawan, sinamantala niya na wala sa bansa ang mga magulang at nagpunta siya sa malaparaisong isla. Malay ba niyang mai-inlove siya sa nakilalang guwapo at sikat na college basketball heartthrob- si Troy Escobar. Pero kahit tapos na si Faith ng Medical Technology, hindi pa rin siya puwedeng magka-boyfriend. Gusto kasi ng kanyang mga magulang na tapusin muna niya ang pagdodoktor. Pero hindi man dapat, hinayaan ni Faith ang sariling matangay ng magic ng Palawan. Hinayaan niyang may mangyari sa kanila ni Troy kahit ilang araw pa lang silang magkakilala. Alam niyang maghihiwalay rin sila sa pagtatapos ng kanyang bakasyon. Hindi nga lang niya inakala na iniwan man niya si Troy, magpapabaon ito ng alaalang babago nang lubos sa buhay niya....

Matagal nang walang boyfriend si Trisha. Kaya naisipan ng mga kaibigang i-set siya sa blind dates. Kaso, palagi siyang hindi sinisipot ng ka-blind date niya. Mabuti na lang at to the rescue ang best friend niyang si Ken. Palagi itong dumarating at nagiging substitute date niya. Bukod sa guwapo, matalino, matangkad, sexy at sporty, isa ring magaling na engineer si Ken. Kahit sinong babae ay magkakagusto rito. At hindi exempted doon si Trisha. Kaya nang sabihin ni Ken na subukan nilang maging sila, napapayag si Trisha. Paanong hindi? Palagi siyang nalulunod sa mga halik nito. Naisip niyang wala naman sigurong masama kung susubukan nila. Tutal, kilala naman niya si Ken. Pero nakalimutan ni Trisha ang isang bagay tungkol kay Ken. Babaero ito. Hayun nga't may isang babaeng nangugulo ngayon sa buhay nila. May kailangan daw panagutan si Ken sa babae.

My First Published Novel under Precious Heart Romances. "Walang araw na hindi ko pinangarap na maging akin ka." Mahal na mahal ni Jane si Paolo. Kaya nang mag-propose ito ng kasal ay buong puso niyang tinanggap. Kaya lang, tuwing sasabihan siya nito na mag-set na ng date ng kanilang kasal, lagi siyang tumatanggi. Marami pa kasi siyang gustong gawin sa buhay. Kampanteng-kampante siya sa pagmamahal ni Paolo sa kabila ng ilang beses niyang pagtanggi sa alok na kasal. Masyado kasi itong mabait at maunawain na nobyo at ramdam na ramdam niyang mahal na mahal siya nito. Pero mali pala si Jane sa pag-aakalang laging makauunawa ang nobyo. May hangganan pala ang lahat. Napagod ang taong labis-labis na nagmamahal sa kanya. Isang araw ay nakipag-break si Paolo, sinabing hindi na nito kayang maghintay. Nagsisi si Jane na nagpatumpik-tumpik pa siya sa pagkakataong pinalampas niya na makasama habang-buhay ang minamahal. Lalo na nang may umeksenang maganda at seksing babae kay Paolo. Nag-panic ang puso niya! Hindi siya makapapayag. Handa siyang lumaban mabawi lang ang lalaking dati naman nang nakalaan para sa kanya.

Sixteen years old pa lang si Frances ay secret crush na niya ang kababatang si Justin.Pinigil niya ang damdamin sa pag-aakalang may gusto rin kay Justin ang Ate Francine niya. Pero nang ligawan ni Justin ang ate niya, nabasted ito. Natuwa si Frances at nanalangin na sana siya naman ang mapansin ng kanyang best friend. Nang kinailangan ni Justin na pumunta sa Amerika para mag-aral ng Medicine, hindi naputol ang komunikasyon nila. At nang umuwi si Justin para magbakasyon, laking gulat ni Justin nang magtapat ito ng pag-ibig sa kanya. Sinagot naman niya si Justin kahit alam niyang magiging isang long-distance relationship iyon. Sa buong panahon ng relasyon nila, laging si Frances ang gumagawa ng paraan para magkita sila, nagsasakripisyo, at umuunawa para maging successful ang kanilang relasyon. Idagdag pa ang pagsuporta sa mga pangarap ng boyfriend. Pero sinubok ang kanilang relasyon. Nang si Frances naman ang humiling ng presensiya at suporta ni Justin sa panahong kailangang-kailangan niya ito, noon niya napatunayan na hindi siya ang priority ng kanyang boyfriend. At hindi inakala ni Frances na darating ang araw na mapapagod din ang kanyang puso sa pagmamahal kay Justin...