NOW PUBLISHED BY POP FICTION ---- Sa mundo natin, maraming mga kababalaghang nangyayari... Di naman kailangan pang pahirapan ang sarili. Maniwala ka man o hindi, nandyan lang sila sa tabi-tabi... Ang mga ELEMENTO. ---- Apoy. Paulit-ulit ang bangungot ni Gino Ivan Lazaro gabi-gabi. Marami ding mga kababalaghang nangyayari sa kanyang paligid na tanging isang nagsasalitang itim na pusa ang nagbigay linaw. Nasa panganib ang kanyang buhay dahil sa isang kulto na nais siyang ialay upang muling buhayin si Gunaw, ang masama at malupit na datu na naghasik ng lagim noong bata pa ang Pilipinas. Magagawa bang makatakas ni Gino sa tinakdang masalimuot na kapalaran? Lupa. May isang engkanto ang nagkagusto kay Clarissa Gutang. Nagawa nito magpanggap at gayahin ang anyo ng taong lihim na minamahal ni Clarissa. May darating bang Knight-in-shining armor para Clarissa o tanggapin na lang niya ang alok ng malignong manliligaw? Hangin. Nakakakita ng mga multo si Junio 'Jun-Jun' Sta Maria. Araw-araw padami ng padami ang mga ito dahil lahat ng makita niya ay sumusunod sa kanya pauwi. Nakakarindi ang mga iyak at paghingi ng tulong ng mga multong ito. Nalagay sa panganib ang buhay ng isang tao na mahalaga sa kanya dahil sa isang multo. Kakayanin ba ni Jun-Jun huwag itong pansinin o tuluyan nang buksan ang pandinig at intindihin panaghoy ng mga multo sa paligid?

Ma-ENGKANTO sa Manila International Book Fair 2017, September 16-17, sa SM Mall of Asia.

Ako si Frankie, anak ng Pasig, umiibig sa isang palaka. Oo, palaka na naging prinseipe'ng ubod ng guwapo. Si Tariq ng Neem Pero anak ng Pasig na buhay 'to, hindi ako ang bida sa fairy tale na ito. Si Princess 'yun. Kaklase ko nung highschool. Hindi kagandahan pero siya ang gustong pakasalan ni Tariq at gawing first lady ng Neem. At kailangan kong ilakad si Tariq kay Princess. Ang mas masaklap pa, simula nang mahawakan ko ng batong MALEFICA, nangyayari ang mga sinasabi kong masama sa kapwa. Ang kapalit, papangit ako nang papangit. As in. Ang ganda ko, konteng-konte na lang.