قصه حقيقيه بلهجه العراقيه 🔞 حجتليها صاحبه القصه نفسهه واتمنه تنال اعجابكم

-انتة اكثر واحد اكرهه بهاي الدنيا اموت منك اكرررررهك - خلي اشوف شلون تكرهيني ورا ما اكسر عينج الصلفة هاي - استهدي بالرحمان ابني وصلي على محمد - عليه افضل الصلاة والسلام من هذا اليوم وهل ساعة وهل دقيقة عشق صارت نهوتي نهوة غضب - لا فدوة يمة غضب لتسوي هيج وتكسر بالبنية احجي شي مصطفى تقدم علية- استمتعي بحياتج هسه على راحتج نهوة غضب القصة حقيقية (( باللهجة العراقية)) صورة الغلاف من تصميم _zahraa_sa_ حسابها في الانستغرام لا احلل لاي شخص ينشر قصصي الي اكتبهن بدون ذكر اسم الكاتبة للكاتبة : Lamar Alzankna

جوري ... فات من يمي طب للغرفه وقفل باب باوعت ع غراضي المشمورا كبال الغرفه واني ابجي اخذتهم ورحت للمخزن بخطوات بطيئه ومحمله بالهموم والخيبه انك تحب انسان وتفضله على كل احلامك ويتحقق وكانك وصلت لاعلى مراحل الفرح بعدين تنصدم مجرد حلم وانت بواقع كله حزن وأسى فتحت باب المخزن ظلمه مخلين بي غراض المطبخ وغراض بيت الزايده نزلت دموعي على حالي گمت اشهگ خليت غراضي باوعت داير المخزن موحش واظلم احس نفسي بغابه والفقير مايعيش هاي تاليتي اصفه بالمخزن مشيت واشوف مرايه مكسورة بالگاع شلتها واشوف ندبة الي صارت بطراف گصتي تلمستها بوجع واني صاكه سنوني هاي علامتك الي گادر عليها ماسوالي علامات حب وزورگني بالفراش لاا كلشي ويه بقسووة وضرب اريد يوم ارتاح بي ماكوو شفت فراش مخلينه فرشت بطانيه بلكاع وتذكرت طفولتي وسبب اخطائي لوصلتني لهاي المرحله .....