هذي قصة جزائرية وهذي اول كرونيك نديرو مقطع من الكرو:حبيتك بزاف و فوتت معاك المرة والحلوة وسامحتك على كلشي عل حاضرك وعلى ماضيك وانت جيبتاها لداري هنا ولابسة لبستي من اليوم ماتزوجتي ماجبتي طفل سمعتي خرجت وخليتو معا هذيك ق**** رفدت طوموبيل و قلعت معلابالش وين راني ماشية ودموعي شلالات قريب هبلت وبديت نلوم في روحي على الحب هذاك كامل لعطيهولو و الثقة هذيك كيفماه مافقتش بيه وهو يخون فيا معاها ها رب العالي زهري حشاهالي بديت نسوق وجيت راح نشوف لقيت روحي وهران ترحب بكم جبدت تليفون GPSوفركتت على اقرب اوتال نبات فيه بالدراهم لعطاهومي على اساس روح بيهم لدارنا دخلت ديراكت دومونديت شمبرا وطلعت عيطت لسمرا وصيتها على اسر وقتلها ما تساقسينسش قاع على وش بيا محمد حرق التليفون باليزابال حكمت طفيتو ورحت رميت روحي فوق لفراش و بديت نندب على زهري