A/N: This is the first book of Party of Destiny Series. This series is a collaboration with other PHR writers. Sa akin ang Books 1 & 12. Elizabeth was very popular because of her beauty. Iyon ang dahilan kung bakit napakaraming lalaki ang umaaligid sa kanya. Pero hindi tulad ng ibang babae ay hindi niya gustong pagka-guluhan siya dahil sa angkin niyang ganda. Kaya nga hindi niya tinatanggap ang mga alok na mag-artista siya o mag-modelo. She wanted to live a simple life. At kuntento na siya sa pagiging simpleng employee sa isang kumpanya. Subalit ang simpleng buhay na iyon ay nagulo nang makilala niya si Jack Knightley, dati itong nagsisilbi sa militar. Hindi niya maintindihan kung bakit hindi niya magawang lubayan ang lalaking ito. Kahit ilang beses na siya nitong ipinagtatabuyan ay patuloy pa rin siya sa paglapit dito. Maybe because of the feeling she had everytime she was with him. Inaamin niya sa sarili na interesado siya dito pero hindi naman nito magawang makita ang tunay na nararamdaman niya para dito. Siguro dahil sa nakakulong pa rin ito sa mga sugat nito - pisikal at emosyonal. He kept on calling himself a beast, kaya daw kailangang lumayo na siya dito. Hindi niya magagawa iyon. Ipaglalaban niya ang nararamdaman para dito kahit na pagtawanan pa siya ng ibang tao. She would show him that a beauty can live with a beast for a happily ever after.

Hindi alam ni April kung ano ang pumasok sa isipan niya at pumayag siya sa hiling ng lalaking bigla na lang pumasok sa coffee shop nila isang araw. Humihingi ito ng tulong para sa balak nitong panliligaw sa isa sa mga kaibigan niyang si Cheska. Wala na siyang nagawa kundi ang pagbigyan ito at maging tulay para mapaglapit ang mga ito. It didn't take long until those two entered a relationship. Akala niya ay tapos na ang komunikasyon niya sa lalaking iyon pero nagkamali siya. Dahil sa hilig ng kaibigan niya sa paghahanap ng kasiyahan sa iba't ibang lugar ay siya ang pinakiki-usapan nitong samahan muna ang boyfriend nito tuwing hindi ito makakarating sa usapan ng mga ito. Kahit ayaw niya ay wala na rin naman siyang choice dahil naaawa rin siya sa lalaking iyon na halatang patay na patay sa kaibigan niya. Pero mas matindi ang pagkaawang naramdaman niya para dito nang malaman niyang niloloko ito ng kaibigan niya. She didn't know what to do. Sasabihin niya ba dito ang mga panloloko ni Cheska at sirain ang tiwala ng kaibigan? She knew that she shouldn't meddle with their relationship. But there was a part of her heart that wants this man to forget her friend and just look at her. Why was she being like this?

*This is an unedited version.* Dianne was a widow - a virgin widow to be exact. Simula ng mamatay sa isang aksidente ang asawa niyang si Arnold ay ipinangako niya sa sariling hindi na uli siya magpapatali sa isang relasyon kung saan walang napapala kundi pawang sakit, paghihirap at kalungkutan. Subalit isang malaking pagbabago ang nangyari sa buhay niya nang muling makatagpo si Nico Santiago isang taon matapos mamatay ng asawa. Si Nico ay isa sa malalapit na kaibigan nila ni Arnold. Silang tatlo ang madalas na magkasama noon. Hindi maintindihan ni Dianne kung bakit nag-iba ang klase ng pagtrato at pagtingin ni Nico sa kanya ngayon. Pero mas higit na hindi maintindihan ni Dianne ang sayang nararamdaman kapag kasama ang binata. At maging ang pagpapadala niya sa bawat halik at haplos nito. Hindi ito tama. Kaibigan si Nico ng dating asawa at siguradong pag-uusapan siya ng mga tao kung sakaling patuloy siyang makikitang kasama ito. At isa pa, isang sekreto ng asawa ang pinaka-iingatan niyang itago - isang sekretong nagkulong sa kanya sa pagsasama nila ng mahabang panahon. Isang sekretong hindi niya maaaring ipaalam sa ibang mga tao. Magagawa niya bang patuloy na panghawakan ang sekretong iyon at bitawan ang sariling kaligayahan?

Gustong-gusto ni Clarice na makatapos ng pag-aaral dahil nais niya nang baguhin ang takbo ng sariling buhay. She was left alone in an early age kaya sanay na siyang mag-trabaho para sa sarili. Then one day, dumating na ang trabahong sagot sa problema niya. Iyon ay ang maging nanny ng baby ng isang sikat na movie director na si Kenny Fabella, ang lalaki na yata ang pinakamayabang at masungit na lalaking nakilala. Hindi maintindihan ni Clarice kung bakit ganoon na lang ang kawalan nito ng interes sa batang kanyang inaalagaan. Ilang beses din na sinabi ng lalaki na hindi nito anak ang bata. Ganoon na ba talaga ang mga magulang ngayon? Madali na lang para sa kanila ang iwanan o 'di kaya ay itanggi ang kanilang mga anak? Kung puwede nga lang sana niyang batukan ang Kenny na iyon ay matagal nang ginawa. Subalit sa kabila ng inis na nararamdaman ni Clarice ay hindi naman naiwasang unti-unting mahulog ang kanyang loob sa masungit na amo. Hindi niya maiwasang hilingin na sana ay siya na lamang ang ituring na ina ng batang inaalagaan.

Isang murder sa kagubatang nagtatago ng napakagandang waterfall. Isang katawan ang basta na lamang itinapon sa napakagandang tubig. Ilang mga taong hindi pa rin natatagpuan, mga batang nagsisimulang mawala. Naniniwala ang mga taong malapit sa kagubatang iyon na may isang halimaw ang naglilibot tuwing gabi upang humanap ng mga bibiktimahing turista. Isang halimaw na naninirahan sa napakagandang talon na tuwing bilog ang buwan ay nagiging kulay dugo ang malinis na tubig. Subalit hindi iyon pinaniniwalaan ni Jemimah. Hindi niya nais alisin ang tiwala na buhay pa ang mga taong hinahanap. Gagawin niya ang lahat para maalis ang maskara ng halimaw sa kagubatang iyon at maibigay ang katarungan sa mga naging biktima... kahit kapalit pa ang kanyang buhay.

Sa wakas ay natupad na rin ni Jillianne ang pangarap na maging isang kilalang reporter at utang niya ang lahat ng mga nakamit na tagumpay sa pamilya ni Christopher Samaniego, Jr. She once worked as a maid in their home, kapalit ng libreng pagpapa-aral nito sa kanya. Masaya na si Jillianne sa kanyang panibagong buhay kasama ang nobyong si Roger Yap, isang businessman na laging nasa kanyang tabi tuwing kailangan ng tulong. They were engaged to be married and she couldn't wait to have him as her husband. A few months before their wedding, hindi inaasahan ni Jillianne na muli niya pang makikita si Judd Samaniego - ang makulit na pinsan ng dating amo na si Christopher. Walang ginawa ang lalaki noon kundi ang pahirapan siya. Subalit malaki na ang ipinagbago nito, hindi na ito ang batang Judd na palaging nanggugulo sa kanya. Umaakto pa itong parang ni minsan ay hindi siya nito nakilala o nakausap. Ayos lang naman iyon kay Jillianne, ayaw niya rin namang magkaroon pa ng koneksiyon sa lalaki. Kung may utang na loob siya sa mga Samaniego, kay Christopher lang iyon at sa pamilya nito. Pero bakit pakiramdam niya ay puno ng galit ang bawat tingin at salitang binibitawan ni Judd sa kanya tuwing magkakaharap sila? Ano ba ang nagawa niya para kamuhian siya nito?

A famous actress had been murdered inside her own place. And the killer hanged himself beside the body. Muling nabuksan ang kasong iyon at naatang sa team ni Jemimah nang makita ang kagunayan sa panibagong murder na naganap sa mismong headquarters ng SCIU - another murder and the killer's suicide. Sa pagiimbestiga ng kaso, nalaman nina Jemimah na iisa lamang ang gumawa ng lahat ng iyon. Isang serial killer ang gumagala sa lungsod, pinaglalaruan ang isipan ng mga tao para sila ay pumatay at pagkatapos ay kitilin ang sariling buhay. Isang monster na ginagawang puppet ang mga tao... Pero hindi magiging madali ang lahat, lalo na at iniimbestigahan nila ang serial killer na nagtatangkang sumira sa kasiyahan nilang lahat - si Destroyer...

Cops, government officials and businessmen were being killed. Kasabay ng matinding pag-iingat, kailangan ding kumilos ng mabilis ng team ni Jemimah para mahuli ang killer na tila may galit sa gobyerno at sa mga nasa awtoridad. Bomb threats everywhere. Isa pang kailangan nilang pagtuunan ng pansin ay ang mga mensaheng ipinapadala sa SCIU patungkol sa mga lugar na planong bombahin. Lots of lives were at stake and they needed to work faster. Pero hindi lang pala iyon ang problemang kakaharapin ng kanilang team, mayroon pang isang problemang sisira sa grupong matagal na inilagaan. Sisira sa kasiyahan at pag-asa ng bawat isa...

Walang ibang hiling si Denise kundi magkaroon ng maayos na buhay at talikuran ang isang trabaho na napilitan siyang pasukin. Sa trabahong iyon ay nakilala niya si Lance Barrera. Seryoso ito, mayaman pero hindi naging hadlang iyon para magkaroon sila ng magandang pagkakaibigan. Kaibigan lamang ang dapat na ituring ni Denise dito. Pero hindi niya pa rin napigilan ang sariling humigit pa doon ang nararamdaman para kay Lance. Hindi iyon puwede. Nakatali na siya sa ibang lalaki na nagligtas sa kanya sa hindi magandang buhay noon. At siguradong wala ring katugon kay Lance ang kanyang nararamdaman. Palaging sinasabi ng lalaki na may isang parte ng pagkatao nito ang hindi matatanggap ng kahit na sino - ang dahilan kung bakit ito iniwan ng dating asawa at kung bakit nawala na ang paniniwala sa mga salitang 'pag-ibig' at 'pamilya'.

Aina dela Cruz was an introvert. Hindi siya mahilig maki-socialize sa ibang tao dahil na rin sa kanyang trabaho at sa isang pangyayari sa kanyang buhay. She was a well-known painter subalit hindi siya tulad ng iba na madalas magpakita sa mga events kung saan nakatampok ang kanyang mga obra. Mas nais niyang manatili sa loob ng bahay at magpinta. Subalit dahil sa pamimilit ng kanyang ilang mga kaibigan ay napilitan si Ynah na sumama sa isang party sa Laiya, San Juan, Batangas. At doon sa lugar na 'yon niya nakilala si Winston. Bigla niya na lang itong nakitang natutulog sa likod ng pick-up na kanyang sasakyan. Dahil na rin sa pagmamakaawa ng lalaki ay napilitan si Aina na hayaan muna itong tumuloy sa kanyang bahay sa Bulacan. Sinabi ng lalaki na wala itong matutuluyan dahil pinalayas daw sa inuupahang bahay. Pinagsilbihan siya ni Winston kapalit ng pansamantalang pakikituloy nito sa poder niya. Naging napakabuti nito sa kanya. At sa paglipas ng mga araw ay unti-unti naman na lumalim ang kanilang relasyon. Subalit tila nawasak ang magandang mundo ni Aina nang mapag-alaman na ang lalaking kanyang pinapatuloy sa sariling pamamahay ay isang takas na kriminal na pinaghahanap ng awtoridad. She was torn. Hindi niya alam kung ano ang dapat piliin - ang gawin ang tama at isuplong ang binata sa mga pulis o tanggapin ito at hayaang magtago sa piling niya habang buhay?