قصة للكاتبة زينب مجيد

السلام عليكم حبايب كلبي قصه حب جديدة للعلم القصه حقيقيه اخذته من احد مقاطع الفيديو الي شفته وحيل اتاثرت ابصاحبه القصه لهاذ ضلت معاناتهة مخطوطه ابالي فحبيت ارويهة اتمنى تعجبكم القصة منقولة ❤❤

جوري ... فات من يمي طب للغرفه وقفل باب باوعت ع غراضي المشمورا كبال الغرفه واني ابجي اخذتهم ورحت للمخزن بخطوات بطيئه ومحمله بالهموم والخيبه انك تحب انسان وتفضله على كل احلامك ويتحقق وكانك وصلت لاعلى مراحل الفرح بعدين تنصدم مجرد حلم وانت بواقع كله حزن وأسى فتحت باب المخزن ظلمه مخلين بي غراض المطبخ وغراض بيت الزايده نزلت دموعي على حالي گمت اشهگ خليت غراضي باوعت داير المخزن موحش واظلم احس نفسي بغابه والفقير مايعيش هاي تاليتي اصفه بالمخزن مشيت واشوف مرايه مكسورة بالگاع شلتها واشوف ندبة الي صارت بطراف گصتي تلمستها بوجع واني صاكه سنوني هاي علامتك الي گادر عليها ماسوالي علامات حب وزورگني بالفراش لاا كلشي ويه بقسووة وضرب اريد يوم ارتاح بي ماكوو شفت فراش مخلينه فرشت بطانيه بلكاع وتذكرت طفولتي وسبب اخطائي لوصلتني لهاي المرحله .....