Toss. Flip. Drop.

Nalilimitahan nga ba ang bilang ng tibok ng puso para sa isang tao? Ang gusto lang naman ni Xei, isang estudyante mula sa Section I ng isang science high school, ay matataas na grades at tahimik na "crush" life. Tanggap naman niya na imposibleng magustuhan siya ng crush niyang sobrang nagpatibok ng puso niya sa una pa lang nilang pagkikita at heartthrob ng batch nila -- si Kyle. Pero magugulo ang tahimik niyang buhay nang dahil sa mga di inaasahang pangyayari: nang magustuhan siya ng kaibigan ni Kyle na si Chris, nang magustuhan ni Kyle ang kaibigan niyang si Rai . . . at nang mapalapit siya kay Kyle na mas nagpalala ng mga nararamdaman niya. Dito higit matututunan ni Xei na hindi lang basta-basta sinusunod ang tibok ng puso, lalo na kung may masasaktan -- kailangang pag-aralan din. Published by Summit Books under the Pop Fiction imprint © 2013 (translated in English). Now available in bookstores nationwide. Its anniversary version (with added content and special chapters!) is published by KPub PH © 2023.

Sometimes, endings happen first. You have been warned.

Ano nga ba ang tamang timpla ng pag-ibig? Dahil sa punyemas na Twitter algorithm, malalaman ni Taurus Macaraeg ang hindi lang isa kundi dalawang sikreto ng di makabasag pinggan niyang office mate na si Novi Dimaculangan. Umabot naman ang dalawa sa isang kasunduan na ililibre ni Novi si Taurus ng paborito niyang pares kada Huwebes kapalit ng pagtago ni Taurus ng sikreto. Pero tulad ng pagluluto at paghahain ng pares, may mga sangkap na ihahanda ang universe na mas magpapasarap at magpapakulay sa ugnayan nilang dalawa.

'Wag tumawid. Nakamamatay. Masunurin sa batas si Glamor Izabelle Ramos, a.k.a. Glai, lalo na sa mga batas sa daan. Late na siya't lahat, hihintayin niya pa rin niyang maging berde ang pedestrian signals bago tumawid. Blessing naman ito dahil dito magkukrus ang landas niya at ng kanyang "ideal guy." Nga lang, ang "ideal guy" pala niya ay ang supervisor ng department nila sa opisina, si Aion. Masaya na sana ang lahat . . . kaso taken pala si Aion base sa mga nakatenggang social profiles niya. Maguguluhan pa si Glai dahil iba ang ikinikilos ni Aion tuwing sila ang may moment. May mga pagkakataon nga ba kung kailan puwede isantabi ang mga patakaran . . . o maninindigan si Glai na hintayin ang green light ng pag-ibig?

Man hater, mambabasag ng itlog, at hustler -- ito ang reputasyon ni Hope San Miguel. Wala naman siyang pakialam, sa totoo lang. Ang mga mata niya ay naka-set sa iisang goal: ang may mailapag sa kanilang hapagkainan. Kaya naman nang malaman niyang minamata at hinahangad siya ng dati niyang kaklase at ngayo'y sikat na basketball player na si Champ Fernandez, nagduda siya. Palagay ni Hope, isa lang siya sa mga playtime ni Champ na gusto lang makaiskor. Pero sa kanyang pag-iwas, umaandar ang oras, at unti-unting naiisip ni Champ na baka wala nga talagang siyang pag-asa rito. Hahayaan na lang ba ni Hope na sumablay si Champ sa kanya, o magagawa ba niyang bigyan ng pagkakataon ang pag-ibig . . . bago mahuli ang lahat?

Si Kurt Navarro. Simpleng lalaki. Future architect. Nangangarap na ang babaeng mapapakasalan ay ang first girlfriend niya. Si April Clarysse Perez. Prankang babae. Vocalist ng banda. Sobrang obsessed niya sa number "22," ginawang quota ng mga karelasyon. Para sa kanilang dalawa, sila ang ehemplo ng "opposites attract," pero as best friends. Ayun nga lang, tadhana na mismo ang nagsasabing nakatakda silang maging higit pa roon.

Nais ni Nathan na makilala ang lugar ng kanilang bagong tirahan, ngunit di niya akalain na makikilala niya ito sa isang kakaibang paraan-ang literal na mahulog sa kanya si Mary mula sa pagkakatalon sa puno, isang babaeng madalas mapagkamalang multo sa kanilang lugar. Ngunit sa likod ng malaporselanang balat, malamanikang ayos, at kakaibang pananaw ni Mary, nakukutuban ni Nathan ang nakaraan at mga nararamdaman na pilit nitong itinatago. Sa kagustuhan niyang pag-aralan at makilala ang babaeng nagwasak ng kanyang ideolohiya sa pag-uugali ng mga tao, hindi niya napapansin ang unti-unting malahimalang pagbabago na ginagawa nito sa kanya. Published by Summit Books under the Pop Fiction imprint © 2014 (translated in English). Now available in bookstores nationwide.

At night, she pulls her blanket to herself, takes her pen, and remembers every detail in her life. She had a lot to write about her regrets of the past, her doubts of the present, and her worries for her future. She did not want to think, but she still will, mixing all time lines in her head. At dawn, she wakes up, takes her pen, and remembers that she must love herself before she can love anyone. She had a lot to write about the boy who wanted her back after he broke her heart. Even so, she won't, for she has decided that from now on, she will choose herself first. In the morning, she continues to live, takes her pen, and remembers how blessed she is to be loved. She had a lot to write about everything under the sun, including her adventures with the person who loved her dearly. She takes note of all of them, both small and big, until he kisses her and takes her away from the harsh reality. Three different girls with twenty-five tales to tell, all because the universe taught her to love . . . and to write.

Ang pagtingin ni Sun sa pag-ibig ay tulad din ng araw -- lulubog at lilitaw. Ngunit may ilang babae sa kanyang buhay ang nakapagpabago ng kanyang paniniwala. Na di lahat ng kanyang iibigin ay tugma sa pagkakataon. Na di lahat ng kanyang iibigin ay handang manatili. At ang pag-ibig na wasto at mamamalagi ay isang araw-araw na dalangin.