مرت ساعات والمطر ينزل خفيف نور راسها بحضني ومتكعوره من البرد وحوراء صافنه ع الطريق رفعت راسي واخذت نفس عميق السما صافيه بس قطرات المطر الخفيفه تنزل علينه الشارع فارغ كلمن ببيته وساد بابه اي اي كلمن عنده ام واب واخ داخل كل بيت من هذني البيوت بس اني وخواتي اذا بهل عمر ومتمرمرات شنتحمل بعد حسيت بشي علمتني باوعت لان حوراء غفت وراسها علمتني وجهت نضري لنور نايمه مثل الطفله بريئه حيل شنو شافت من حياتها حته هيج تتعذب رجعت نضري لحوراء مغمضه بحزن وقطرات المطر تنزل على وجها غمضت وخليت راسي علراسها غفيت شويه وكعدت باوعت لسه ضلمه فتحت التلفون باوعت لساعه ب 3 ونص اف شطوله هليوم يمكن اطول يوم مر بحياتي كلها رجعت غمضت وفتحت ع السريع نعسانه بس ماريد انام اخاف انام ويصير شي لخواتي ضليت كاعده واتذكر قبل شكد جنه فرحانين وسعداء ويه ابويه وامي وبيتنه وهسه كلشي تغير ساعه تقريبا مرت وسمعت صوت القران يقشعر البدن من راحته وره مده قصيره اجه صوت الاذان الي يهيج الحواس (الله أكبر الله أكبر اشهد ان لا اله الا الله اشهد ان لا اله الا الله ) نزلت دموعي الي جنت حابستهن طول اليوم حته ما ابين الخواتي انو اني خايفه لان هنه متشجعات بيه بجيت بحركه كلب وقله حيله واني اسمع الاذان دعيت من كل كلبي انو يساعدنه الي ماعدنه غيره ويحمي