While they say that love has no boundaries, love is a journey that's full of stops and starts, endings and beginnings. At ang mga simula at pagtatapos na ito ay masasabing mas bumilis kasabay ng takbo ng teknolohiya. Isang click, may love na. Isang click, may kapalit na. Ngunit love na nga ba agad ang mga sandaling iyon? Totoo na ba ang mga sandaling pinagsaluhan ng dalawang katawang sinundan ng pagtibok ng kanilang mga puso, kahit sa isang iglap lang, napalitan na agad ang mga ito? Ano ang kaibahan nito sa ilang pagniniig na nauwi sa mahabang relasyon. Isa. Dalawa. Tatlong taon. Mas matagal pa. Ngunit katulad pa rin ng isang click, sa isang pitik, nawala na rin. Marahil ay wala ngang hadlang sa kayang puntahan ng bawat pagmamahalan. Ngunit iilang kwento lang ang natapos na kasama ito sa katapusan. Tulad ng kuwento ni Julio. Malinis ang simula. Hangad niyang, hanggang wakas ay ganun din.

Ito na po ang pangalawang libro sa "Oh, Boy!" series. Two broken hearts find each other. kapag nabuo kaya sila, ay magiging isa na lang sila? o maiiwang lalong durog ang isa habang nabubuo ang sa isa. May isang magtutuloy ng kwento niya kasama ang isang bagong lalaki sa mundo ng Oh Boy Series. Sino kaya? at magiging masaya na kaya siya ngayon?

Buong highschool life ni Alex, si Jessie na ang kanyang nightmare. Sandali itong natapos ng maka-graduate si Jessie. Ang problema, pagtungtong ni Alex ng college, senior nya ulit si Jessie. Mabuti na lang at nakilala ni Alex ang antidote, si Gabriel. Tuwing nakadikit si Gabriel kay Alex, hindi makalapit si Jessie. Mula noon, lagi nang dumidikit si Alex kay Gabriel, para iwas bugbog. Hindi alam ni Alex, na siya talaga ang dinidikitan ni Gabriel. May gusto si Gabriel kay Alex. Paano yun mangyayari, Crush sa buong campus si Gabriel, Sociology Major, Theater Club Actor at Student Council Member. Gwapo, maganda ang katawan, at lahat ng post sa social media ay parang na download mula sa magasin. Papaanong hindi babae ang gusto nito, tulad niya? Ngunit muling naglakas ng loob si Jessie para lapitan si Alex. Hindi lang para guluhin siya, kundi para guluhin ang namamagitan sa kanilang dalawa ni Gabriel.