القصه حقيقيه تتكلم عن الزواج التقليدي والزواج المبكر وتدخل الاهل وتأثيرهم على حياة اولادهم بشكل ايجابي وسلبي

هية كذبة دمرت غرور فتاه لتجعلها تعاني العذاب من رجل راى فيها راحة لنزواته لتنقلب حياتها راسا على عقب .....

جنت احجي وابجي اريدة يفهم اني ماصير لغيرة اسمعة يكول لعد شلون اني ماعوفج مستحيل اعوفج بيوم ولا اني اعوفك ثق بية لغيرك ما اصير شلون ماتصيرين والعالم باجر تجي تشوفج يعني انتهى كلشي يولي انطيني الضوة الاخضر وخليني اتصرف والله احركها على روسهم. لا تخرب كلشي بالعصبية اهلي ماتمشي وياهم العصبية كل ماتعصب وتتهور طريقنة يصعب ترة. انطيني وعد. شنو. ماتصيرين لغيري. مستحييل بيوم اصير لغيرك بس لا تخذلني بيوم. انتي روحي وماكو انسان يخذل روحة. راح اسدة هسه ماكدر احجي اكثر خاف احد يشوفني الله وياج انتضر منج رسالة تبشر بخير. ان شاء الله. سديتة منة ومسحت دموعي لازم اصير قوية واثبتلة حبي مثل ماهو ثبت حبة نزلت جوة اريد اشرب مي هستوني دخلت للمطبخ وانصدمت بالي شفتة صدمة عمري خلتني انشل عن الحركة معقولة الجاي اتشوفة عيوني حس بية اندار شافني واكفة ومصدومة عرف شفتهم سوة فرك وجهة وطلع من المطبخ بقيت واكفة كدامها اريدها تبررلي الي شفتة تقربت مني تبجي وتهمس والله مالي ذنب صحت بصوت كلة غضب مكتوم : ولج انتي مرت عمة مرت عمة تفهمين شنو يعني محرمة علي هو ابن حماج

القصه حقيقيه تتحدث عن فتاه عاشت الصعاب واجبرتها الظروف تتخلى عن اغلى ماتملك