Phr Book Imprint Published In 2008 "I have loved you ages ago. Nalagas na sa kalendaryo ang edad ko pero ikaw pa rin ang babaeng gusto kong pakasalan." Madaling na-fall si Rovinia sa tipong artista na si Eldric. Inakala niya na isa itong knight in shining armor, pero isa lang pala itong demonyo na nakakubli sa malaanghel na mukha. Hindi makakalimutan ni Rovinia ang kasamaang ginawa ni Eldric sa kanya. Nasira ang tiwala niya sa lahat ng lalaki dahil dito. Dumating sa buhay niya si Viper. Mas guwapo, mabait kahit may taglay na kakulitan minsan. Sa kabuuan, lahat yata ng magagandang adjectives ay maibibigay niya rito. Kaya natuto siyang magtiwala muli sa mga kalahi ni Adan. Kumbinsido si Rovinia na nahanap na niya ang tamang lalaki. Pero mas demonyo pa pala si Viper kaysa kay Eldric. Bigo na naman ba siya?

Phr Book Imprint Published In 2007

Phr Book Imprint Published In 2008 "Countless nights I've been dreaming of kissing you... But a thousand dreams can never fill my longing for a real one." Unang kita pa lang ni Winona kay Kestrel ay crush na niya ito. Bukod sa nagpaka-hero ito sa pagtulong sa kanya, inakala pa niya na ito ang hinahangaan niyang bida sa mga community projects sa lugar nila. Pero bago pa lumala ang feelings ni Winona rito ay nakilala niya si Tim, ang tunay na hero na matagal na niyang gustong makita. Niligawan siya ni Tim. Madali nitong naagaw ang naudlot na feelings niya para kay Kestrel. By twist of fate, muli silang nagkita ni Kestrel. Hindi na ito astang hero. Masungit na ito at suplado. Pero crush pa rin niya ito. Hindi na ito maalis sa isip niya. Parang fly trap ito na kumapit nang husto sa sistema niya. Naguguluhan si Winona dahil kahit mahal pa rin niya si Tim ay gusto na niya si Kestrel. At isa lang ang kailangan niyang piliin sa dalawa.

"I want to be the man who would sweep you off your feet. I long to see the day when you would tell me I took your breath away without me lifting any finger." Buddy-buddy pero parang aso't pusa dati sina Urison at Myrtle. Pareho silang mapambuska at pikon. Ibang babae ang gusto at hinahabol-habol ni Urison. ibang lalaki ang biggest crush ni Myrtle. Pero nagbago ang lahat nang makainom sila ng love potion. Hindi na sila mapaghiwalay. Daig pa nila ang mga patak ng arnibal na kinababaliwan ng mga langgam. Umiikot na lang para sa isa't isa ang mundo nila. Hindi tama ang nangyayari. Hindi iyon ang totoo. Kaya bumalik sila sa tao na nagpainom sa kanila ng love potion. Hiningi nila ang antidote sa gayuma. Kaso lang, nang mainom nila ang antidote ay lalong lumala ang pagkagusto nila para sa isa't isa. Paano na sila ni Urison? At paano niya haharapin ang biggest crush niya na ngayon ay nagsisimula nang manligaw sa kanya?

Phr Imprint Published in 2007

Phr Book Imprint Published In 2007 "I love you with the love that is beyond limits... beyond understanding..." Hindi pa man kilala ni Robielle si Salvador ay iniligtas na siya nito mula sa makamandag na cobra. Ilang ulit na siyang inililigtas nito mula noon. Kaya kahit nuknukan ito ng sungit, hindi niya napigil ang sarili na magkagusto rito. Kaso lang, daig pa niya ang ketongin kung iwasan ni Salvador. Lalo naman siyang naintriga. Lalo siyang naglalapit dito. Habang tumatagal, lalong lumalalim ang damdamin niya kay Salvador. Hanggang sa malaman niya ang "sikreto" na iniingatan nito...

Phr Book Imprint Published In 2007 "I love you, Yessa... No power or force or event in this lifetime can take that away. I know I'd die loving you." Parehong minahal ni Yessa ang anonymous caller niya na nagpakilalang "Riel" at si Sev na family friend nila. Tahasang sinasabi ni Riel na mahal siya. Si Sev naman, parang ipinararamdam lang na mahal siya. Hindi nga lang siya sigurado. Marami na kasing naging girlfriends ito. Nasabi na rin nitong minsan na uhugin pa siya. Hanggang sa utusan siya ng kanyang maimpluwensiyang lolo na paibigin si Sev at pakasalan ito. Hindi sana iyon problema. Confident si Yessa na mapapaibig niya si Riel kung hindi pa nga siya mahal nito. Pero na-realized kaagad na hindi niya kayang isantabi si Reil. At lalong hindi niya kayang kalimutan si Sev. Anong gagawin niya? Hindi naman siya puwedeng magpakasal sa dalawang lalaki.

Phr Book Imprint Published in 2007 "Kung may uri ng pagmamahal na mas malaki pa sa langit, at kaya kong ibigay iyon, ibibigay ko lahat sa iyo, sweetheart." Jam had a perfect relationship with Flynn. But circumstances tried to tear them apart. Akala niya dahil iyon ang itinakda ng kapalaran. Masakit sa kalooban pero wala siyang magagawa kundi tanggapin. Pero paano kung matuklasan niya na hindi pala ang Diyos ang may gawa ng paghihiwalay nila ni Flynn? Kundi mismong ito... At isang babae? Handa na siya na isuko na lang ang pagmamahal kay Flynn. What had been done could never be undone. Pero may mga imposibleng bagay pala na puwedeng mangyari. Sa pagkakataong iyon ang mga sirkumstansiya naman ang umaayon sa kanya. She realized that God could undo the most complicated circumstances just to prove Who is really in control. Pero papayag pa ba siya na bumalik sa kanya si Flynn?

Phr Book Imprint Published in 2006 "Kaya kong magsakripisyo, gaano man kahirap, para sa kaligayahan mo. Ganoon kita kamahal." Three years ago, Sarah was sporting a heartbreak from an unrequited first love. Paano ba naman, bukod sa very much married na si Harmon ay close friend pa niya ang asawa nito. Lumayo siya at nagtungo sa Mindanao. Pero parang nanunukso ang tadhana. Nakita niya uli si Harmon. This time, annulled na ang kasal nito at may ibang asawa na ang kaibigan niya. Okay na sana sa biglang tingin-- dahil kapitbahay na niya ngayon si Harmon. Halos araw-araw silang nagkikita at nagkakausap. Ang kaso, naging hari na ito ngayon-- hari ng mga cynics. At ang laging nakakatanggap ng mga pagsusungit nito at panunuya ay siya. May pag-asa pa kaya na maibig siya nito?

Phr Book Imprint Published In 2006 Pinakinggan sana ni Élan ang sinabi ng mommy niya. Piliin niya raw ang isang lalaki na hindi man niya gaanong mahal pero mahal na mahal naman siya. Ang kaso, sa simula pa lang, minahal na niya nang sobra si Ismael. Kaya nagawa niya ang mga bagay na labag sa mga tagubilin ng ina-- mga bagay na kabaliktaran ng inaasahan niyang mangyari. Kaya nang muli silang magkita ni Ismael pagkaraan ng limang taon, lahat ng pag-iwas at self denial ay ginawa na niya, huwag lang maulit ang mga pagkakamali niya noon. Pero ayon nga sa kasabihan, "History repeats itself." Atat na naman siya na habul-habulin si Ismael gaya noon. Mukhang nakatakda na naman siyang malaglag sa dating pagkakamali. Kahit determinado siya nang sabihan ang sarili na: "Never Again!"