TATLONG TINTA NG DIWA: MXM Pinutol ang dila ng binatang patibay sa katotohanang nakagagambala. Ang kaniyang pagkasawi kaya ang magbubunyag sa lihim ng masama? Sa lihim ng kaniyang pamilya? Mayabong ang buhay ni Payhon Juno Casco ngunit suliraning pampamilya ang bumabagabag sa kaniya kaya't regalo niya sa bagong yugto ng panahon ay paglisan, pagbura ng kaugnayan sa kaniyang mga kinasusuklaman. Subalit nang paslangin ang kaniyang nakatatandang kapatid ay nanindigan siyang manatili sa tahanang may taksil--sa kaniyang paniniwala--dahil hindi pa nagwawakas ang dalawampung taong kasaysayan ng kaniyang buhay sa hawlang pula. Siya ang nagbuklat ng nakaraan upang punan ang katanungang, "Sino ang pumatay kay Panongon?" Tiyak na kasagutan ang hahabulin, may mga lihim kayang masisilayan? Aakbay sa mga kataas-taasan, dulot ba'y kaalwanan? Inumpisahan: Hulyo taong 2021 Natapos: Mayo taong 2022

TATLONG TINTA NG DIWA: MXM Si Lustre Bulano 'Lusio' Santa-Cruz ng El Deseo, labinsiyam na taong gulang na binata, ehemplo ng katapangan, kasipagan, at kagandahang lakan. Patuloy siya sa kolehiyo't nagtatrabaho para sa pangtustos ng lahat ng kaniyang pangangailangan. Sa isang pagdukot, ito'y winasak ng mayaman. Kasunduan ang sabi ng mayaman na hindi nais ni Lusio. Ngunit sa isang sandali naman ay biglang sumang-ayon. Sa pagtalikod niya'y may dahilan pala sa kasunduan na iyon. Nagpaalipin siya't ang iniingat-ingatang puri at katapangan ay naging pampasayang laruan na lamang. Sa kaniyang pagkukusa, ang naging kapalit ay pagdurusa. Matakasan niya kaya ang pinaniwalaan niyang kaniyang pagkakasala? Nagsumamo sa tadhanang karagatan, sino si Piling Ngalan? Inumpisahan: Nobyembre taong 2020 Natapos: Mayo taong 2021