لبست الدراعة المطرزة و الثكيلة وعليها الملفع الأبيض وذهبي ، غمضت حيل لمن سمعت هوساتهم و هلاهلهم معناها اجه! فترة يلا نزلت وأمشي بثكل رجليه يرجفن ليش ما أدري ، ما متحضرة ولا مفكرة ابد لهالحظة وصلتلهم همه ملتمين بالمطبخ بس هو بمدخل البيت شفته يلاعب الجهال ويضحك وياهم يا الله شكد متغير وضعفان! چان شايل تولين يلگف بيها ويدغدغها وهي سكرانة من الضحك وهو ميت عليها ، شوية وصاح فداوي للبنات هاي البنية ام الكناكر بنيتنن تقدمت بخطوات ثكيلة وروح ترجف وبانفاس باردة وصوت يحاول يكون ثابت گتله بهدوء.. _بنيتي وبنية شيخ ناصر رد بتعجب ورافع حاجب من حاجبه نظراته بيهن ميول للاستهزاء.. _ءاسن ام الملاسن! بنفس رفعة حاجبه رفعتله حاجبي وكأني اتحدا گتله.. _تتذكرني؟! رد برد أقوى مني رد كسرني وكسر ثباتي خض روحي خض زعزعني طشرني لكل مكان وصلة لمن گلي.. _ما ناسيچ حتى اتذكرچ ، ورم خبيث مزمن بالروح أنتِ دومچ بيه! #بقلمي_بصره_الربيعية غير محلل ولا مبرئ من ينقلها أو يقلدها.

حين يتحول الحب إلى قيد، وتصبح الذكريات سجنًا بلا جدران... تقع في حب رجل يخفي خلف ملامحه الغامضة ماضٍ مظلم، لتجد نفسها سجينة مشاعر متناقضة بين القلب والعقل. فهل سيكون الحب خلاصها؟ أم يكون الانتقام هو الطريق الوحيد لتحرير روحها؟ قصة مشوّقة تكشف أسرارًا دفينة، وتطرح سؤالًا مؤلمًا: من نحن عندما نخسر أنفسنا من أجل من نحب؟