رشم Stories

٦ / ١١ / ٢٠١٤ في يوم ولد طفل في سنة 1988 في محافظة بغداد والذي كان اسمه علي عبد حسين رشم الساعدي لقبَ ب "الباشط"ومعناه السبع الذي لا ينخاف عليه والذي درسَ في كلية العلام جامعة الإسرا،،وكان لديه اخوان اثنان واحد أكبر منه والثاني أصغر منه وكانت لديه اخت التي هيَ زوجة الشاعر الكبير (رفعت الصافي) وكان متصدر الشعر بالنسبة لجيله وشارك في الكثير من المسابقات الشعرية،،اما بالنسبة للجانب العاطفي كان حاله حال اي شاب يحب والذي كان يحب بنت اسمها سارة وسارة كانت تبادل علي نفس المشاعر التحق علي في الحشد الشعبي ليدافع عن وطنه إلى حد ما انفجرت عبوة ناسفة وبسبب هذهِ العبوة توفوا اصدقائه وايضًا انصاب علي بجروح خطيرة جدًا وتم نقله إلى مستشفى بابل وكانت حالته خطيرة ويجب أن ينقل إلى خارج العراق لكن حالته الصحية لا تسمح له بالسفر واستشهد علي في تاريخ 2014/11/6 وتم تشيعه تشيع مهيب يليق بيه وحضر تشيعه اصدقائه في الحرب والذي كانوا عددهم سرية كاملة تقريبًا وحضر كل اصدقائه الشعراء وتم دفنه في مدينة النجف الاشرف في مقبرة الشهداء.

اليحبك من صدك لو سهم يتلكاك! شيلمه الكاع تصغر لمن تودعه اليصير مرايتك يندل حسرتك وين ويعرف وين بيك مجودرة الوجعة اليضفر حيرتك بجفوفه تلكه أعذار الحنينك بي تطشر يكدر يجمعه اليطفى كبال وجهي انطي عذر ينشاف ما خليت نسمة بخاطر الشمعة انا الضايكني يعرف طينتي من الهور بيه ملوحته وما بدلت طبعه واتلكه اليجيني منين ما يشتاك اليمر عابر عليّ من روحي ماطلعه العدوي وصاحبي تغبش ضحكتي وياي اليجي سيف على نحري استحي وما رجعه افرزن ريحتي من يا درب مريت اليجي مشتاك يثكل والهوا يدفعه اختصر كلشي واطول من اريد أنساك واحس كل صبح بارد وجهك يتبعه واشمك شمه المهضومة على المگتول غريبة وبس تريد من الدمع فزعه وكل مغرب يمر تترس شليله عتاب وحجيها يضل أثر بجتاف اليشيعه وتنده كل كبر بي حسرة على الكتال ودمعها من التراب الغاطه يفرعه وتشرب كل فجر يوصلها ما بيه طيف ويفز كلشي حنين وياها من تنعى بروحك چم سمه وما غيمت وياي عليه تزخ عطش ومنشف السبعة ادورلي نفس بوجوه غركانين كون بكد هواك وغيرك يزرعه المفارك مبين عذره يمشي وياه الما بي شوگ طافي العشگ بيه لمعة بكصايب يا حلم شديت روحك خيط خيطك من يمر دخان ما كطعه ثكلت بروحي جثة وما لكت جناز وخيالك كمت اشوفه منين ما ضيعه اليسافر للبچي يأخذ عيوني متاع على جفني ولام جايه مخيطة الدمعة ال