علو Stories

‎بيوم من الأيام نامت الكرة الأرضية بهدوء وسلام وفاقت عَ لعنة كبيرة هزت العالم بأكملو #لعنة_كورونا غيرت مسار حياة كل البشر وسلبت كتير أحلام من كل حدا كان عم يخطط يعمل شي لبكرا وماقدر بسبب هالوباء اللي أنتشر بسرعة كبيرة بين الناس وصار الخوف حليف كل البشر صار الحجر أنسب حل بس لأيمت؟!...اللي عندو دراسة كيف بدو يكملا؟!...واللي عندو ولاد كيف بدو يطعميهن؟!....

‎كلشي الو بداية ببلش بلحظة ويمكن ينتهي وينطفي بلحظة بس ماكنت متوقعة أنو بداية حكايتي بلشت قبل ما أوعا ع هي الدنيا وأعرف شو معنى الحياة والحب حكايتي بلشت من لما كان عمري سنة وشهرين رح عرفكن عن حالي أول شي وبعدا أحكيلكن حكاية لارا الشقية.. ‎ أنا أسمي لارا عمري 16سنة بالصف العاشر عايشة مع أمي وأبي وأخواتي (يارا) و(عمر) يارا أكبر وحدة بتدرس حقوق وعمر بكالوريا.....حياتنا طبيعية كتير...ماما وبابا كتير بحبوني مع أني شقية كتير ومشاكلي اكتر منها مافي بس كسبانة محبة وقلوب الكل الكل ملقبني بأسم (لالا الشقية أو لولو المشاكسة) من لما كنت صغيرة وهالطبع مرافقني حتى اللي مابيعرفني وقت يشوف صوري وانا صغيرة بيعرف أني شقية من حركاتي وبالرغم من أني كبرت وصرت بعمر ال16 ماتغيرت وضلت شقاوتي وحركاتي الطفولية مرافقتني.

#يسعد_أوقاتكن♥️🫀 قصة سلسة وقصيرة وأهم شي مهضومة #لمحة: لما بكونوا البنت والشب طموحين وأحلامهن كتيرة بس الواقع ماعم بساعدهن يحققوا شي شو بيعملوا بحالن غير أنو يتفششوا بالأكل والمارشميلو تحديداً؟!. تخيلوا الأكلات اللي بنحبها تتحول لمخلوقات شريرة وتعاقبنا لأننا عم ناكل منهن؟🤣 تخيلوا تعيشوا بمملكة للمارشميلو؟!.😍 ياترى كيف رح تترتب هالأحداث وكيف رح يقدروا يطلعوا من هالمملكة الحلوة والشريرة بنفس الوقت؟!. كل هالشي رح نشوفوا بقصة #مملكة_المارشميلو.