တန်ခိုးရှင်လောက cerita

"လင်းမင်း" ဆိုတဲ့ ကောင်လေးက သာမန်သေမျိုးကမ္ဘာရဲ့ မထင်မရှား ကောင်လေး တစ်ယောက်ပါ။ ဒါပေမယ့် လင်းမင်းက ရိုးသားတယ်။ ကြိုးစားတယ်။ ဇွဲကောင်းတယ်။ ဒီလိုနဲ့ တစ်နေ့မှာတော့ လင်းမင်းက စားဖိုမှူးအလုပ်ကို လုပ်ကိုင်ရင်း မှော်ကုဗတုံး ဆိုတဲ့ နတ်ဘုရားအဆင့် လက်နက် တစ်မျိုးကို မထင်မှတ်ပဲ ရလိုက်ပါတယ်။ မှော်ကုဗတုံးကို ရလိုက်တဲ့နေ့ကနေ စပြီး လင်းမင်းရဲ့ ဘဝက တစ်ဆစ်ချိုး ပြောင်းလဲသွားပါတော့တယ်။ လင်းမင်းက သူ အရမ်းဖြစ်ချင်တဲ့ တန်ခိုးရှင် တစ်ယောက် ဖြစ်လာတယ်။ ဒါပေမယ့် တန်ခိုးရှင်လမ်းစဉ် ဆိုတာ ခက်ခဲ ကြမ်းတမ်းလွန်းပါတယ်။ ဒါကြောင့် လင်းမင်းက တန်ခိုးရှင်လောကရဲ့ ထိပ်ဆုံး ဆိုတဲ့ နေရာကို တက်လှမ်းရင်း လမ်းမှာ မရေမတွက်နိုင်တဲ့ အခက်အခဲတွေ ၊ စိန်ခေါ်မှုတွေ ၊ သေခြင်းတရားတွေကို ရင်ဆိုင်ရပါတော့တယ်။

ဒီဇာတ်လမ်းခွဲကတော့ "သိုင်းပညာကမ္ဘာ (ခုနှစ်စင်ကြယ်ကျေးရွာ ဇာတ်လမ်းခွဲ) Part-1"ရဲ့ အဆက်ပဲ ဖြစ်ပါတယ်။ ဒီဇာတ်လမ်းခွဲမှာတော့ ကျွန်တော့်ဝတ္ထုရဲ့ ဇာတ်ကောင် ဖြစ်တဲ့ လင်းမင်းက တန်ခိုးရှင် တစ်ယောက် ဖြစ်လာအောင် ဘယ်လိုအခက်အခဲတွေကို ကျော်ဖြတ်ရမလဲ ၊ လုပ်ကြံမှုတွေနဲ့ ချောက်တွန်းမှုတွေကနေ ဘယ်လိုမျိုး ရုန်းထွက်ပြမလဲ ၊ ပြီးတော့ သိုင်းပရိသတ်တွေရဲ့ အကြိုက် သိုင်းပြိုင်ပွဲတွေကို ဘယ်လို ယှဉ်ပြိုင်မလဲ စတဲ့ ဇာတ်လမ်း ဇာတ်ကွက် ပေါင်းစုံကို တစ်ဝကြီး ဖတ်ရှုရမှာပဲ ဖြစ်ပါတယ်။ ဇာတ်လမ်းရဲ့ လှည့်ကွက်တွေက ကောင်းသလို မထင်မရှား နယ်မြေ တစ်ခုမှာ မွေးဖွားတဲ့ လူငယ် တစ်ယောက် အတွက် တန်ခိုးရှင် တစ်ယောက် ဖြစ်လာနိုင်ဖို့ ဘယ်လောက်အထိ ခက်ခဲလဲ ဆိုတာကို ဖော်ပြပေးထားတဲ့ ဇာတ်လမ်းခွဲလေးမို့ ပရိသတ်တိုင်း သဘောကျကြမယ့် ဇာတ်လမ်းခွဲလေးပါ။