Anelisse Stories

Sa isang tahimik na street sa Bacoor, nagsimula ang isang kwento na amoy kakanin at bagong pag-asa. Si Zericho Dalman Arzaga, anak ng may-ari ng maliit na karinderya sanay sa simpleng buhay at maagang pagmulat sa responsibilidad. Si Averine Solaya Manlunas naman, bagong lipat mula Maynila, tahimik pero may ngiting kayang magpatigil ng mundo ng isang grade six na bata. Isang bilao ng kakanin at isang simpleng "Hi" ang naging simula ng lahat. Taong 2014 panahong ang problema lang ay kung sino ang taya sa patintero at kung ilang talon pa ang kakayanin sa chinese garter. Sa pagitan ng tumbang preso, sungka at bahay-bahayan unti-unting nabuo ang isang pagkakaibigan na mas malalim pa sa inaakala nilang dalawa. Pero habang lumalaki sila mananatili kaya ang lambing ng kahapon? O matutunan din nilang ang mundo ay hindi palaging kasing simple ng dati? Isang kwento ng unang crush, batang pangarap at alaala ng panahong mas mabagal ang oras at mas magaan ang puso.

"Boses lang ba ang mahal mo... o kaya mo rin akong mahalin kahit hindi ako perfect?" -Zavier Torres "Ang sakit, kasi kahit gusto na kitang kalimutan... boses mo pa rin ang pumupuno sa katahimikan ko" -Amelia Cortez Si Zavier Torres, 24, ang tinaguriang "ASMR Boyfriend" ng YouTube. Mula pa siya sa Imus, Cavite, at milyon-milyon ang nabibighani sa boses niyang kayang magpakalma ng kahit pinaka-stressed na tao sa mundo. Pero sa likod ng ideal smile niya sa display, may mga sikreto siyang pilit niyang itinatago sa lahat ng viewers niya. Si Amelia Cortez naman, 23, isang simpleng on-line assistant na taga Taguig City. Sa dami ng pressure sa paintings at buhay, si Zavier ang naging takbuhan niya. Sa gabi, boses niya ang kasama niya makatulog. Pero kailan nga ba naging sapat ang pagiging fan? Isang araw, sa hindi inaasahang pagkakataon, nagtagpo ang landas nila sa isang fan meet sa Cavite. Isang ngiti lang ni Zavier, bumigay na ang mundo ni Amelia. Pero sa bawat pabulong na "proper night time" at "I'm here for you," lalong lumalalim ang nararamdaman niya. Hanggang saan ka dadalhin ng boses na minahal mo sa screen? Paano kung boses na yun ang magpapasuko sa puso mong takot magmahal muli? Sa pagitan ng likes, subscribes, at lihim na bulong, may puwang nga ba para sa totoong "tayo"?