AnghelDelagwardya06
Para sa buong Pilipinas, si David Licauco ang "Pambansang Ginoo"-isang matagumpay na aktor na tila nasa kanya na ang lahat: yaman, hitsura, at pagmamahal ng milyun-milyong tagahanga. Ngunit sa likod ng mga nakakasilaw na spotlight at flash ng camera, may isang aninong hindi niya matakasan.
Si Mara ay hindi ordinaryong fan. Para sa kanya, ang bawat hininga at bawat kilos ni David ay dapat niyang pag-aari. Ang paghanga ay naging isang madilim na panunubok, at ang bawat segundo ng buhay ng aktor ay maingat niyang idinodokumento sa dilim. Mula sa madidilim na eskinita ng Maynila hanggang sa loob ng mga pribadong silid na akala ni David ay ligtas siya, walang lugar na hindi kayang pasukin ni Mara upang mapatunayan ang kanilang "tadhana."
Habang unti-unting nilalamon ng paranoia at takot si David dahil sa mga misteryosong mensaheng natatanggap at presensyang lagi niyang nararamdaman, mapagtatanto niya na ang pinakamalaking panganib ay hindi nanggagaling sa mga kaaway, kundi sa isang taong ang tanging hangad ay angkinin ang kanyang buong pagkatao.
Sa gitna ng isang malakas na unos sa Batangas, maghaharap ang realidad at ang mapanirang pantasya. Dito susubukin kung hanggang saan ang kayang gawin ng isang tao para sa pag-ibig-o kung ang pag-ibig na ito ang magsisilbing mitsa ng kanilang huling pagbagsak.