Feedynbash Stories

ta zabi Yusuf Attahiru a matsayin abokin rayuwarta na har abada, bayan ta saka ƙafa ta shure zabin iyayenta. ta biyewa ra'ayin zuciyarta kuma ta samu abinda take so, sai dai, soyayyar ba tai mata rana ba, illa jefata da tayi a cikin tarkon bala'in dangin miji!! Cikin ƙanƙanin lokaci su ka gigita mata lissafi ta dena gane komai saboda masifar su. Sai dai, a lokacin data yankewa kanta shawarar tserewa daga garesu tuni bakin alƙalami ya jima da bushewa✍️

wasu lokutan ƙaddara kan faɗawa Ahalinmu bawai don gazawarmu ba sedan kawai Allah ya jarraba imanin mu kamar yanda ya faɗawa Jameelah!! koma fiyeda hakan, a zaton mu mallakar miji me tarin dukiya da tangamemen gida da mota shine morewar rayuwa da jindaɗin duniya sedai wasu lokutan sam ba haka abin yake ba ta wata fuskar ma haɗarin dukiyar yafi talaucin illah da tashin hankali inji Jameelah

Akwai wata irin giya da idan mutum ya sha take gusar da hankali da imani. barasa ce mai sanya ƙishirwar mulki, wadda ke sa zuciya ta manta Allah, ta manta iyaye, ta manta duk wata alaƙa ta jini. GIYAR MULKI labarin Alhaji Shamsu, ɗan siyasar da naiman mulki ya rufe masa idanu ya aikata abin da duniya tayi Allah wadai da shi, wanda ko a zamanin jahiliya ba'a taɓa jin irinsa ba. Ya sadaukar da mahaifiyarsa Talatu, mace mai tsoron Allah da gudun duniya, duk a kan kujerar da ba shi da tabbacin mallakarta.

Rayuwarsa a lulluɓe ta ke da duhun da ba na dare ba, ba shi da kowa sai mahaifiyarsa wadda ke azabtuwa da tarin jarabobin da ke bibiyarta, cikin ko wani irin gida akwai haske amma a cikin nasu gida babu sai tarin baƙin ciki da ƙuntatuwa. Ibrahim Wajagal ya zama gangar duhu mai jefa tsoro a zukatan Al'umar Unguwarsu da kewaye, sannan ya zama murɗaɗɗen ɗa mai sanya mahaifiyarsa hawaye! Soyayya ta zame masa ciwo, ya yin da tausayi ya koma hukunci. Mahaifiyarsa ta rasa zaɓi, a tsakanin ƙauna da fushi wanne zata ɗauka? addu'a za ta yi ko ƙorafi? Haƙiƙa tana buƙatar sauƙi da haske a cikin duhun da ya cinye mata ɗa. Duk da cewa wani duhu ba a haskaka shi da fitila, sai da hasken addu'a da haƙuri kaɗai!

A tsakanin duniya biyu mabanbanta, ƙaddara ta yi kutse a tsakanin rayuka biyu. Duk a ƙarƙashin kalma ɗaya: "soyayyah!" Tunaninta da duk wata nutsuwarta sun karkata ne akan sama masa mafita da ga duhun ƙaddarar da ya yi masa ƙawanya, sai dai, da ga baya ta yi realizing cewa ta faɗa a tarkon son sa, soyayya mai tsanani ga Yusuf Hateym Al'qasrawi. kyakkyawan balarabe ma'abocin Addinin musulunci, saɓanin ita da ta kasance krista wadda bata gasgata kaɗaituwa Ubangiji mahalicci ba. Abu ne mai matiƙar wahala ta iya mallakar zuciyar Yusuf wadda ya jima da mallakawa Matarsa Yumnah Sulaiman El'ghanee, kyakkyawar Balarabiya mai kwarjinin musulunci. Doctor Chioma Nonso Chukuma, ta Fahimci ba zata iya karawa da Yumnah Sulaiman a zuciyar Abu'hateym ba, wannan ya sa ta ƙara ƙaimi domin yaƙi akan ƙudurinta. Musamman data fahimci babu gurbi da ya yi saura, wanda Yusuf ke jin zai iya mallakawa wata ɗiya mace a duniya...! 08102777485

Labarin Zuriya