Generaldrama Stories

1984 අවුරුද්ද. කුරුණෑගල නිහඬ ගැමි පරිසරයක, අගහිඟකම් මැද වුණත් ආදරය පිරුණු පුංචි කැදැල්ලක ඇය උපන්නාය. කෙට්ටු සිරුරකුත්, දුඹුරු හමකුත් උරුම කරගත් ඇය, ඒ පවුලේ හැමෝගෙම බලාපොරොත්තුව වුණු "වැඩිමල් දුව" යි. කුරුණෑගල මහ රෝහලේ සේවය කරලා විශ්‍රාම ගිය, ගමේ හැමෝම ගෞරවයට "කංකානම් මහත්තයා" කියලා ආමන්ත්‍රණය කරපු අත්තාගේ පෙන්ෂන් පඩියෙනුයි, කුඹුරු ගොවිතැනෙනුයි ගැටගැහෙන ජීවිතයට, වාරෙට එකතු වෙන හත්කටුවක නෑදෑ සේනාව අමුතුම සිරියාවක් ගෙනාවා. හැබැයි, ඒ හැම සිනහවකටම පිටුපසින් දුප්පත්කමේ කටුක යථාර්ථය ඇය පුංචි කාලේ ඉඳන්ම දැක්කා. කාලය ගෙවී යද්දී ඇය අත්දැක්කේ සුන්දර නිමාවන් තියෙන සුරංගනා කතාවල වගේ ජීවිතයක් නෙවෙයි. එක පිට එක පැමිණි අභියෝග, බිඳවැටීම් සහ කඳුළු වැල් මැද ඇය අද දරුවන් තිදෙනෙකුගේ අම්මා කෙනෙක්. ඇගේ ඒ කටුක ජීවන මඟම යන්නට ඇගේ "ලොකු දුවටත්" සිදු වේවිද? පරම්පරා දෙකක දූවරුන්