Historias de Lanalwin

ဒီဇာတ်လမ်းက ကျွန်မဘဝမှာတကယ်ဖြစ်ပျက်ခဲ့ပြီး အဲ့ဒီသူကို သုံးနှစ်ကျော်လောက် မေ့မရခဲ့ပါဘူး။သူ့အကြောင်းကို စာရေးဖို့အကြိမ်ကြိမ်ကြိုးစားခဲ့ပေမယ့် အခုမှသာရေးဖြစ်ခဲ့တာပါ။ ကျွန်မကို အချစ်ဆိုတာဘာလဲသိစေခဲ့သူဖြစ်ပြီးတော့ စာရေးဆရာမအဖြစ်တွန်းပို့ပေးခဲ့တဲ့ အချစ်ဦးဖြစ်သလိုအချစ်ဆုံးလည်းဖြစ်ခဲ့တဲ့ ကောငလေးတစ်ယောက်အကြောင်းကို ကျွန်မရဲ့ခံစားချက်ဘက်ကနေရေးဖွဲ့ထားတာပါ။ ကံမကုန်ရင်ပြန်ဆုံကြမယ်လို့ ပြောလို့မရဲ့ဆက်ဆံရေးတွေလောကမှာတကယ်ရှိပါတယ်။

"နွမ်းငယ် ကိုကို့ကိုမယုံကြည်နေတာလား" "မယုံကြည်တာမဟုတ်ဘူး၊ကိုကို့နှလုံးသားဘာကိုပဲရွေးချယ်ရွေးချယ် လက်ခံနိုင်အောင်ကြိုးစားကြည့်နေတာ၊ ကိုကိုကစကားအပိုလုပ်ပြောတတ်တဲ့သူမဟုတ်ဘူး နွမ်းငယ်ကလည်းအပိုပြောတာကိုကြိုက်တဲ့သူမဟုတ်ဘူး၊တူညီတဲ့အချက်တွေများရုံနဲ့လူနှစ်ယောက်ကအဆုံးထိအတူရှိနိုင်မယ်လို့ မျှော်လင့်ချက်မထားရဲဘူးဖြစ်နေတယ်" "ချစ်တာနဲ့ရွေးချယ်တာနဲ့တစ်ထပ်တည်းမကျနိုင်တဲ့အခါ အဆုံးထိမမျှော်လင့်ထားတာကအကောင်းဆုံးပါပဲ အနာဂတ်အကြောင်းသိပ်မတွေးနဲ့နွမ်းငယ်၊အတူရှိရချိန်မှာပျော်စရာတွေကိုဘဲ လက်ခံထား" "အဲလိုဆိုပြန်တော့လည်း ကိုကို့အနာဂတ်မှာနွမ်းငယ်ပါမယ်ဆိုတာ မသေချာနိုင်ဘူးပေါ့" "အခုမဖြေချင်သေးရင်လည်း နောက်တော့ဖြေပေါ့၊ အတင်းမတိုက်တွန်းပါဘူး၊ဒါပေမယ့် တစ်ခုတော့ပြောထားချင်တယ် အတိတ်ကလူဆီကိုတော့ဘယ်တော့မှပြန်မ