Lunafairyluv Stories

Si Liorah Ley Aquino ay kilala sa kanilang lugar bilang isang mahinhin, maganda, masipag, at mabait na babae. Lumaki siyang puno ng pagmamahal at aruga mula sa kanyang pamilya kaya naman marami ang humahanga at nagmamahal sa kanya. Sa murang edad ay nasanay siyang mamuhay nang tahimik at payapa, malayo sa gulo at panganib. Para kay Liorah, simple lamang ang kanyang mundo ang pamilya, pangarap, at mga taong mahalaga sa kanya. Ngunit hindi niya alam na magbabago ang lahat sa oras na makilala niya ang magkakapatid na Hernandez. Ang apat na lalaki na kilala hindi lamang dahil sa kanilang yaman, kaguwapuhan, at impluwensya, kundi pati na rin sa misteryosong mundong kanilang ginagalawan. Sa unang pagkikita pa lamang ay tila may kakaibang hatak na agad nabuo sa pagitan nila at ni Liorah. Hanggang sa hindi nila namamalayan na unti-unti na silang nahuhulog at nagiging obsession ang dalaga sa kanilang buhay. Ngunit kasabay ng paglapit nila kay Liorah ay ang paglapit din ng panganib, sikreto, at mga problemang maaaring sumira sa tahimik niyang mundo. Habang mas lalong nalalaman ni Liorah ang katotohanan tungkol sa apat na magkakapatid, mas lalo rin siyang nahihila sa magulo at mapanganib nilang buhay. Maraming beses niyang susubukang umiwas, ngunit paano siya makakatakas kung ang mismong puso niya ay unti-unti nang nahuhulog sa mga lalaking handang gawin ang lahat para maprotektahan siya? Sa gitna ng mga lihim, selosan, panganib, at matitinding emosyon, kakayanin kaya ni Liorah na piliin kung sino talaga ang mamahalin niya? O tuluyan siyang malulunod sa magulong pag-ibig na hatid ng apat na lalaking handang angkinin ang kanyang puso?

Sa nakaraan nilang buhay, pinagtagpo sila ngunit hindi tinadhana para sa isa't isa. Nauwi ang lahat sa sakit, paghihiwalay, at mga pangakong hindi natupad. Ngunit matapos ang kanilang kamatayan, muli silang isinilang sa panibagong buhay sa mundong hindi na nila maalala ang isa't isa.

Si Shaira Chi De Mero ay maagang nawalan ng mga magulang at hindi niya alam kung saan siya tutungo sa buhay, o kung saan siya kukuha ng lakas ng loob upang magpatuloy. Sa kabila ng bigat ng kanyang pinagdadaanan, pinatatag niya ang sarili at piniling mabuhay, dala ang pagmamahal at alaala ng kanyang mga magulang bilang sandigan. Ngunit unti-unting mag-iiba ang tahimik niyang mundo nang makilala niya si Shiro Akihiro Dominguez ang pinaka mayamang tao sa mundo.

Si Lyn Rey Madrigal ay lumaki na may iisang pangarap ang maging madre, tulad ng kanyang pinakamamahal na lola na nagsilbing ilaw at gabay sa kanyang buhay. Bata pa lamang siya ay inialay na niya ang kanyang puso sa pananampalataya, buo ang paniniwalang iyon ang landas na kanyang tatahakin. Ngunit sa isang iglap, nagbago ang lahat nang mapunta siya sa isang mundong tila hinango mula sa pahina ng isang misteryosong libro isang mundong puno ng lihim, panganib, at mga katotohanang hindi niya kailanman inakalang haharapin niya. Sa gitna ng kaguluhan at hiwagang bumabalot sa lugar na iyon, doon niya makikilala ang lalaking magpapabago sa kanyang tadhana. Lucas Zach Vilion isang lalaking nababalot ng misteryo, may matang tila may itinatagong kwento at presensyang hindi madaling takasan. Sa bawat pagtatagpo nila, unti-unting nagugulo ang paniniwala ni Lyn, at ang pusong matagal niyang inalay sa ibang landas ay nagsisimulang kumabog sa paraang hindi niya inaasahan sa mundong hindi niya kinabibilangan, haharap si Lyn sa pinakamahirap na pagpili ang pangarap na matagal niyang pinanghawakan, o ang damdaming unti-unting bumibihag sa kanya.