Magsasaka Histoires

Sa isang baryo sa Thailand ay may isang masipag na magsasaka na ang pangalan ay Dur-Yan na naninilbihan sa isang madamot, malupit at mapang-aping si Mr. Benson, isang Briton na may-ari ng malaking bukid. Araw-araw ay nasa bukid siya at puspusang nagbubungkal ng lupa at nagtatanim ng binhi ng mga gulay at prutas upang magkaroon ng masaganang ani.  May mga panahong na ang katawan niya ay halos sumuko na pero siya ay nagpupursige pa rin magtrabaho. Dahil sa kanyang pagiging masipag ay naging malago ang bukid at lahat ng mga mahihirap na tao sa kanilang baryo ay sa kanya humihingi ng gulay at prutas. Bukod pa sa pagiging masipag, si Dur-Yan ay napakabait dahil ipinagtatanggol niya ang kapwa niya mahihirap sa malupit nilang amo.  Dahil sa pagtatanggol sa anak ng isang magsasaka, siya ay namatay at lahat ng mga taong tinulungan niya ay nalungkot ng labis at inalala ang kasipagan at kabaitan niya kaya tinuring siyang parang hari at kalaunan ay tinawag na Durian, Hari ng mga Prutas.

Ang "Walang Panginoon" ni Deogracias A. Rosario ay isang kuwentong tumatalakay sa matinding pang-aapi sa mga magsasaka at sa paghahangad ng katarungan. Isinasalaysay nito ang buhay ni Marcos, isang anak na magsasaka na nasaksihan ang unti-unting pagkawasak ng kanilang pamilya dahil sa kalupitan at kasakiman ng mayamang may-ari ng lupa na si Don Teong. Sa kabila ng kanyang kabutihan, sipag, at pag-ibig-lalo na kay Anita-nauwi sa pighati ang kanyang buhay dahil sa kawalang-katarungan sa lipunan. Ipinakita sa akda ang pag-usbong ng galit at paghihimagsik ni Marcos bilang bunga ng pang-aabuso, pagkawala ng mahal sa buhay, at kawalan ng tunay na "panginoon" na magtatanggol sa mga inaapi. Ang kuwento ay nagsisilbing salamin ng lipunang may hindi pantay na kapangyarihan at paalala sa mapanganib na epekto ng pang-aapi at kawalan ng hustisya.

Si Bong ay batang Manila. Para sa kanya ang Manila ang pinakamasayang lugar.