Riadneyy Stories

Malaya ka na" Umpisahan ko na sa salitang ''malaya ka na'' Malaya ka na. Malaya ka na sa mga birong tayong dalawa lang ang natatawa Malaya ka na sa kamustahang ni minsan ay hindi mo kusang nasabi Kusang nasabi ang mga bagay na matagal ko ng hinihintay Hinihintay na marinig mula sa iyong bibig Malaya ka na sa mga bagay bagay na ginawa nating magkasama Magkasamang kahit kailan ay hinding hindi na mauulit pa Naalala ko pa noon nang nakita kita Nakita kitang magisa Magisang nakaupo sa bintana at nagmamasid sa mga bituing kumikislap kislap Kumikislap kislap gaya ng pagmamahal ko sayo Pagmamahal ko sayo na kahit kailan kahit gaano pa kasilaw ni minsan ay hindi mo napansin Hindi mo napansin dahil sa iba ka nakatingin at hindi sa akin Naalala ko pa ang una nating pagkikita at paguusap Pagkikita at paguusap na kahit kailan ay hinding hindi na ulit magaganap Ang mga patago nating mga sulayapan Mga sulayapan na hinding hindi na natin muling masilayan Naalala ko rin ang sinabi mong may pagtingin ka rin sa akin Palihim kong tinago ang aking kilig nararamdaman Naniwala ako. naniwala ako sa mga sinasabi mong mahal mo rin ako Na ako'y para sayo at walang magbabago Naniwala ako. Naniwala ako sa tadhana Sa tadhanang tayo'y pinagtagpo sa maling panahon Maling panahon ngunit pinipilit nating maging tama.