Richguyxrichguy Stories

" දිය නයෙක් කවාගනින්කෝ.." තේජාන් ඇවිත්... ඉවුර උඩ ඉදන් අත දික් කළේ පොඩි තරහකුත් හිතේ තියන්. ඒත් මම ඉන්නෙ සතුටින්. එයාට ඒක දැනුනා. ඒ නිසා ඕනවට වඩා මට සැරවැර කළේ නෑ. සීමා පෙන්නලා අත දික් කළා විතරයි. ඒ අතේ එල්ලිලා මම උඩට ආවෙ දිය නයාගෙ පෙනේ තියෙන්නෙ පයන්නද කයන්නදවත් නොදැන... ශෝටට උඩින් තේජාන්ගෙ අත්ල නැවතුනා.. ආහ් ගාගෙන මම තේජාන්ගෙ තුරුලට ඔලුව ගහගෙන බොරුවට මගෙ මහත්තයා එක්ක හුරතල් වුණා.. අවදානෙ... මට ඕන වුණේ ඒක. මගෙ මහත්තයගෙ අවදානෙ. " තව ඉස්සරහට යනවද?.." " .... අපි පොඩ්ඩකට මෙතන නවතිමු?.." මගෙ කම්මුල ඉබලා.. තේජාන් ඔලුව වනන විදිය අඩ හද එළියෙන් යන්තම් පෙනුණා. " මට වෙල මැදට යන්න ඕන." මම හැරිලා අත දික් කළේ වෙල් යාය මැද්දෙ තිබුණ ලොකු ගලකට.. කන්දක් වගේ.. තැනිතලා යාය මැද්දෙ එයා පර්වතයක් වාගෙ ඝාම්භීරව නිදිකිරා වැටිවැටී උන්නා. " මඩ ගෑවෙයි.. ලියදි එරෙනවා කේශු." Ishq| BL