Snowyeiiuniverse Stories

[My Charming Manager] Managerឬអាចហៅថាអ្នកចាត់ការនិងគ្រប់គ្រងទូទៅ លើអ្វីមួយ ។ បើនិយាយពីអ្នកចាត់ការទូទៅរបស់តារាវិញ ជាពិសេសតារាស្រីគឺថាពួកគេមានភាពស្និទ្ធស្នាលគ្នាយ៉ាងខ្លាំង និងអាចក្លាយទៅជាស្នេហាផងដែរ ។ តែតារាស្រីម្នាក់នោះ នាងមានឈ្មោះថាឆេយ៉ុងគឺត្រូវបានមនុស្សមិនស្គាល់អត្តសញ្ញាណម្នាក់តាមបំផ្លាញនាងគ្រប់យ៉ាង មិនថាកាងារ ឬស្នេហារបស់នាងឡើយ ។ តើមនុស្សអាក្រក់ម្នាក់នោះត្រូវជាអ្វីនឹងនាង? តើចុងបញ្ចប់នាងអាចរស់នៅជាមួយមនុស្សដែលនាងស្រឡាញ់បានទេ?

[Fly into Your Heart] នារីម្នាក់មានដែលមានក្ដីស្រម៉ៃចង់ក្លាយជាអ្នកម្រើការនៅលើយន្តហោះ ថ្ងៃមួយនាងក៏បានសម្ភាសជាប់ក្លាយជាអ្នកបម្រើការនៅលើយន្តហោះ តែអ្វីដែលជាសំណាងអាក្រក់សម្រាប់នាង គឺម្ចាស់ក្រុមហ៊ុនដែលនាងធ្វើការនោះគឺជាមនុស្សប្រុសដែលមានបញ្ហាជាមួយនាង ។ តើពួកគេមានបញ្ហាអ្វីជាមួយគ្នាទៅ? តើនាងអាចធ្វើការជាមួយគេយ៉ាងរលូនបានទេ?

[Royal Couple] ស្នេហាឃើញភ្លាមស្រឡាញ់ភ្លែតរបស់រាជទាយាទមួយអង្គដែលមានបំណងចង់សម្រេចបំណងរបស់ខ្លួនមុនទទួលយកបន្ទុកដ៏ធ្ងន់គឺ ឡើងសោយរាជ្យក្លាយជាស្ដេច ។ ទ្រង់បានជួបនារីម្នាក់ដោយចៃដន្យហើយបានស្រឡាញ់នាងដោយមិនដឹងអ្វីទាំងអស់ពីនាង ។ មិនដឹងថានាងជាព្រះនាង ថែមទាំងមិនដឹងថានាងមានគូរដណ្ដឹង ។ តើរាជទាយាទគិតយ៉ាងណាពេលដែលដឹងថានារីដែលខ្លួនស្រឡាញ់ជាព្រះនាង? តើគូរដណ្ដឹងរបស់ព្រះនាងជាអ្នកណា? តើរាជទាយាទនិងព្រះនាងមានអ្វីជាប់ពាក់ព័ន្ធគ្នារវាងគ្រួសារទាំងពីរ?

[Couple Ring] ក្មេងប្រុសម្នាក់ដែលមានសំណាងត្រូវបានសេដ្ឋីចិត្តល្អយកទៅចិញ្ចឹមមើលថែយ៉ាងយកចិត្តទុកដាក់ដូចកូនបង្កើត ថែមទាំងបញ្ជូនគេឱ្យទៅរៀននៅបរទេសទៀតផង ប៉ុន្តែគេនៅតែមិនអាចបំភ្លេចស្នេហាដំបូងរបស់គេដែលបានបាត់ខ្លួនអស់ជាច្រើនឆ្នាំបានដដែល ទើបសម្រចចិត្តតាមរកនាងតាមរយៈចិញ្ជៀនគូររបស់ពួកគេ ស្របពេលនោះដែរគេក៏បានជួបនារីម្នាក់ដែលត្រូវការជំនួយពីគេយ៉ាងខ្លាំងទាក់ទងនឹងគ្រួសាររបស់នាង ។ តើគេសម្រេចចិត្តជួយនាងដែរឬទេ? តើមានរឿងអ្វីខ្លះដែលគេមិនដឹង? តើម្ចាស់ចិញ្ជៀនគូរជានរណា? តើគ្រួសាររបស់នាងមានបញ្ហាអ្វី? តើគេរកឃើញស្នេហាដំបូងរបស់គេនិងជាម្ចាស់ចិញ្ជៀនគូរឃើញទេ?

[Change For You] បុរសម្នាក់ប្រៀបដូចជាមនុស្សដែលមានបញ្ហាផ្លូវចិត្តម្នាក់ដោយសារគេមិនទទួលបានភាពកក់ក្ដៅពីឪពុកម្ដាយនិងមនុស្សជុំវិញខ្លួន ធ្វើឱ្យគេមានចិត្តដាច់ និងឈាមត្រជាក់ ។ តែថ្ងៃមួយគេក៏បានជួបនារីម្នាក់ដែលបានចូលមកជីវិតគេផ្ដល់ឱ្យគេនូវអារម្មណ៍មួយដែលគេមិនដែលទទួលបានគឺ ការបារម្ភ ការយកចិត្តទុកដាក់ ការឱ្យតម្លៃ កាពារគេ ។ តែថាវាមិនស្រួលដូចការគិតនោះទេសម្រាប់ពួកគេទាំងពីរនាក់ រឿងគ្រប់យ៉ាងតែងតែមានមានឧបសគ្គ។ តើគេអាចផ្លាស់ប្ដូរសម្រាប់នាងបានទេ? តើគេអាចស្រឡាញ់នាងដូចអ្វីដែលនាងស្រឡាញ់គេទេ? តើទម្រាំស្នេហារបស់ពួកគេបានសម្រេច ពួកគេត្រូវជួបរឿងអ្វីខ្លះ?

[Night Demon] បិសាចដែលត្រូវនៅវិលវល់គ្មានកោះត្រើយនៅឋានមនុស្ស និងគ្មានសង្ឃឹមបានទៅចាប់កំណើត ។ ប៉ុន្តែនៅពេលគេបានជួបនារីម្នាក់ដែលនាងដូចជាកូនសោរនៃអតីតកាលរបស់គេ រឿងគ្រប់យ៉ាងទាំងប៉ុន្មានក៏ត្រូវបានគាស់កកាយឡើងគ្រប់យ៉ាង.... តើបិសាចម្នាក់នោះជានរណា? ចំណែកនាងវិញតើនាងជានរណា? ហេតុអ្វីបានគេមិនអាចទៅចាប់កំណើតបាន? តើនាងមានទំនាក់ទំនងបែបណាជាមួយគេ? តើអ្នកណាជាដើមហេតុ?តើធ្វើបែបនេះដើម្បីអី?