Xyv Stories

Beyond the Pink Horizon "Hindi lahat ng pag-ibig ay nakatakdang maghilom. May mga pagmamahal na isinilang para tuluyang masira." Sa isang bayang tila payapang nababalutan ng mga tulips na kulay rosas, may mga lihim na mas malalim pa kaysa sa karagatang nakapaligid dito. Dalawang pusong parehong sugatan ang pinagtagpo ng tadhana. Isang babae na pilit tinatakasan ang nakaraan. Isang lalaking nabubuhay sa mga kasinungalingang matagal nang itinago. Habang unti-unti silang nahuhulog sa isa't isa, sunod-sunod namang nabubunyag ang mga katotohanang hindi nila kailanman handang harapin. May mga lihim na kayang wasakin ang isang pamilya.May mga pangakong kailangang baliin para may mailigtas at may mga pag-ibig na kahit gaano kalalim hindi sapat para baguhin ang nakaraan. Kapag ang taong pinakamamahal mo ang mismong dahilan ng pinakamalaking trahedya sa buhay mo, pipiliin mo pa rin bang manatili o hahayaan mong lamunin ng katotohanan ang lahat ng pinaglaban ninyo? Sa likod ng bawat ngiti ay may luhang hindi nakita ng mundo. Sa likod ng bawat "mahal kita" ay may lihim na unti-unting pumapatay sa kanilang dalawa. At sa dulo ng Pink Horizon... May pag-asa pa bang naghihintay, o isa na lamang itong magandang tanawing hindi nila kailanman maaabot?