PERSLAB

Sino nga ba ang nagsabi na PERSLAB NEvER DIES?

Sino nagsabi na babae lang ang marunong magmahal ng totoo. Na lahat ng lalake ay walang alam kundi ang manloko at paglaruan lamang ang nararamdaman ng iba.

Sino ang nagsabi na langit lang ang kayang abutin ng pagmamahal. Na hindi mo kayang ibigay lahat nang walang kapalit; kahit alam mong hindi ka rin pala minahal ng taong minahal mo.

Sino nagsabi na hindi mo kayang lampasan ang langit; na hindi mo kayang tiisin ang sakit; upang maparamdam mo lang na mahalaga siya para sa’yo.

Sino nagsabi na kailangan mong sabihin na mahal mo siya, para maging totoo ang lahat. Na dapat mahalin ka rin niya para hindi masayang ang paghihirap mo. Na kailangan may relasyon kayo, upang masabi na nagmamahalan kayo.
Sino nagsabi na mabubura ng panahon ang pagibig na yun. At maibabaon lamang sa limot ang lahat lahat matapos ang sampo o dalawampung taon. Sino nagsabi na hindi mo kayang maghintay at umasa habang buhay.

Sino, Oh sino nagsabi sa inyo nang lahat ng mga ito?

Ipakilala niyo naman sakin oh, kailangan ko ata magpatutor sa kaniya. :-)

-Ang Torpeng Isda.