RAINBOW IN THE SKY

RAINBOW IN THE SKY

TEASER

Isa lang si Maymay sa mga naniniwala sa signs pagdating sa pag-ibig. Iyon bang
tipong hihiling ng isang sign at kapag may lalaking gumawa noon, ang lalaking ito
na nga ang itinakda para sa kanya.

Isa lang naman ang hinihingi niyang sign-
Habang nagtapat sa kanya ng pag-ibig ang isang binata, biglang magkakaroon ng
rainbow in the sky.

Kaya naman, kahit napakarami na ng mga nanliligaw sa kanya,
ni isa sa mga ito ay wala siyang sinagot dahil hindi pa nangyayari ang sign na iyon.
May isa pang dahilan si Maymay kung bakit hindi pa siya nagkaka-boyfriend.

Iyon ay dahil hinihintay niya ang binatang si Edward na kaklase niya mula elementarya
hanggang ngayong magtatapos na sila sa high school.

Kung gaano katatag ang
paniniwala niya sa love signs, ganoon naman kataimtim ang panalangin niya na
sana ligawan na siya ni Edward.

Si Edward na kaya ang lalaking itinakda para sa kanya? Paano kung magtapat
nga ito pero hindi naman nangyari ang sign na hiningi niya? Will she stick to her
belief o susundin niya ang sinasabi ng puso niya?