8 Partes Continúa Contenido adultoSa isang mundo kung saan ang liwanag at kadiliman ay patuloy na nagbabanggaan, isang anghel ang bumagsak mula sa langit, hindi dahil sa kasamaan, kundi dahil sa isang kasalanang hindi niya maunawaan.
Si Keifer, isang dating mataas na anghel, ay ipinatapon sa mundo ng mga tao matapos niyang suwayin ang isang batas na hindi niya lubos na naiintindihan. Ngayon, may misyon siyang kailangang tuparin upang makabalik sa kanyang pinagmulan, hanapin ang isang taong nawalan ng pananampalataya at muling pag-alabin ang kanyang paniniwala sa Diyos. Ngunit may isang mahigpit na kautusan:
"Isang kasalanan ang umibig sa isang tao."
Sa kabilang banda, si Yuri Valdez ay isang ordinaryong tao na tila isinumpa ng tadhana. Sunod-sunod ang kamalasang dumarating sa buhay niya, pagkawala ng tiwala sa pamilya, pagkasira ng puso, at pagkawala ng paniniwala sa anumang bagay na mabuti. Sa kanya, ang Diyos ay isang kathang-isip lamang, isang ilusyon na hindi kailanman nakinig sa kanyang mga dasal.
Pero isang trahedya ang babago sa lahat, isang gabing punô ng ulan, isang aksidenteng muntik nang kumitil sa kanyang buhay, at isang pares ng mga malamlam ngunit mahiwagang mata ang huling bagay na kanyang nakita bago siya mahulog sa kadiliman.
Sa muling pagtatagpo ng kanilang landas, hindi lang pananampalataya ang malalagay sa pagsubok, kundi pati na rin ang kanilang damdamin. Paano kung ang dapat niyang iligtas ay siya ring magiging sanhi ng kanyang pagbagsak? Makakabalik pa ba si Keifer sa langit, o mas pipiliin niyang mahulog muli-ngunit sa pagkakataong ito, sa pangalan ng pag-ibig?
Isang kwento ng tukso, sakripisyo, at pagmamahal na ipinagbabawal, ito ang
"Wings of Temptation."
