مقتل من طرف واحد

مقدمة:
(مقتل من طرف واحد)

"لو واحدة غيري دخلت حُضنك هقتلك"

في إضاءة الغرفه الخافته يجلس المُحقق امامها ويقراء الرساله بصوت رخيم قائلاً :

-انتي الي كتبتي الرساله دي .

اومأت براسها بالايجاب .

-يعني انتي هددتيه بالقتل .

-انا مقتلتوش هو الي قتلني كان خاين ،خان ثقتي وقلبي وحبي ،عملت علشانه كل حاجة علشان خاطر اشوفة بس مبسوط يعني ابقا انا الطرف الوحيد ف العلاقة الي مبيغلطش وبردوا التربيزة بتلف عليا علشان مبعرفش اجمع كلمتين ع بعض قدامه واصالحة وانا مش غلطانه ،احبه 6سنين من غير مايعرف ويوم مايعرف مايحسش بيا ،وابقا هموت وانام وافضل سهرانه معاه علشان ميقعدش لوحدة اصل الحلوة التانيه نايمة، وقبل ماانزل اشوفه كنت بلبس اشيك حاجة علشان ميبصش لغيري ، ابقا في عز تعبي ومرداش ابينله علشان ميضيقش .....

*نظره شارده*

-بس بس انا ميهونش عليا ازعله مش اقتله...

ويرتفع صوت ضحكتها بمزيج من الاحتراق من الداخل لتكمل .
-كنت عبيطه كنت فاكرة انه بيضايق علشاني لما بيحصلي حاجة وانه بيحبني ، كان بيجي يغلط ويعك الدنيا ويجي اخر اليوم يحكيلي كل حاجة عارف انا كنت معاه ازاي ، عارف لما تحب تقعد لوحدك وتفكر بصوت عالي ، انا بقا كنت معاه كدا لما يجي يحكيلي علي واحدة من صحابه البنات مرداش ابين اني زعلت مش من حقي ، بس من جوايا كنت بموت ، مج