DRAVIDIAN ACADEMY

DRAVIDIAN ACADEMY is a school for powerful winged creatures. Ito ay isang napakalaking paaralan na matatagpuan lamang ng mga masu-suwerte't 'di pangkaraniwang nilalang.

Normal itong nagpapatupad ng mga batas at palatuntunin sa loob ng isang establishimento, na naaayon sa kanilang tradisyon bilang isang paaralan. Ngunit, lingid sa kaalaman ng lahat--at sino nga ba naman ang mag-aakala--na ang isang mabahong basurahan na matatagpuan sa sulok ng Departure Area ng NAIA ay isa palang lihim na lagusan patungo sa paaralan na nababalot ng mahika?

Hindi mga pulubi na naghahanap ng makakain sa basurahan ang karaniwang nakakahanap sa lagusan at naiimbitahang pumasok sa Dravidian Academy. Kundi ang mga tao o mas tamang sabihing, mga nilalang na may kakaibang kakayahan at nagtataglay ng makapangyarihang pakpak ng Dravida.

Pinipili sila; hinahanap.

Sinasanay; nililinang.

Pinalalakas; pinatitibay.

Hinahasa; hinahanda.

Ang mga nilalang na bagama'y magkakaiba ng katauhan, katangian, kakayahan, at kapangyarihan ay pinagbuklod at pinag-isa ng paaralan. Tinuruan ng iisang layunin. Pinagtitibay ng iisang prinsipyo.