Can This Be Love?

Sa murang edad na walo, namulat na sa kahirapan si Althea kung saan lumaki siyang walang ama at tanging ang ina lang ang kaagapay sa buhay. Labandera ang ina ni Althea na si Aling Saling sa pamilyang Villacarte kung saan ninong ni Althea ang amo ng ina. Mabait at maganda ang pakikitungo ng pamliyang Villacarte sa kanilang mag-ina kaya naman taos puso nila itong pinagsisilbihan. Nang mamatay ang ina ni Althea, napunta sya sa panga-ngalaga ng mga Villacarte at trinato sya na parang tunay na anak ng mga ito.

Si Wellesley Andrew Villacarte ay bunsong anak ng pamilyang Villacarte kaya naman sunod sa mga luho ito. Brat sya kung tawagin ng kanyang mga kapatid. Nang malaman nyang inampon ng kanyang mga magulang si Althea, labis nya itong dinamdam. Mas matanda sya kay Althea ng dalawang taon.

Parang aso't-pusa ang dalawa.Walang araw na hindi umiiyak si Althea sa mga pasaring at tukso ni Wellesley; kaya naman ng magpunta sa Canada si Wellesley,natahimik ang kanyang buhay. Ngunit sa bawat paglipas ng mga araw, namimiss nya ang mga tukso nito at isang araw nalang umaasa na sya na isang araw makita naman sya nito bilang babae..Magkatotoo kaya ang kanyang mga dalangin?