Nobela ni Maria Angela Gonzales (Published at BULGAR)

Iniwanan si Margarita Nuestro ng fiance niyang si Gerardo Villafuerte para magpakasal sa bestfriend niyang si Sofia Dela Cruz. Pakiramdam ni Margarita, wala na siyang dapat pang pagkatiwalaan dahil nagawa na siya traydurin ng dalawang importanteng tao sa kanyang buhay.
Nanganak si Sofia sa ospital na pag-aari ng pamilya ni Margarita Nuestro kaya naman nakaisip siya ng paraan para makapaghiganti sa mag-asawang dumurog sa kanyang puso. Pinalitan ni Margarita ang sanggol na isinilang ni Sofia.
Ang palakihin ang batang hindi naman kaanu-ano ng mag-asawang dumurog sa kanyang puso ay sapat ng kabayaran para siya ay makapaghiganti.
Ngunit, sabi nga, walang lihim na hindi nabubunyag lalo na't nakatakdang magkasala-salabat ang mga buhay ng batng pinagpalit niya ang buhay at hindi niya akalain na madadamay din ang kaisa-isa niyang anak.
Si Nicole Nuestro, 19, anak niya.
Si Adam Gomez, 21, ang tunay na anak nina Gerardo at Sofia.
Si Violet Villafuerte, 21, ang batang sobrang in love kay Adam.
Sa loob ng 21 taon, hindi makuhang matahimik ni Margarita. Lagi siyang nananaginip ng masama. Ayaw siyang patahimikin ng kanyang konsensiya.
So, paano niya itatama ang kanyang mali? Kapag umamin siya, makukulong siya at maeeskandalo ang kanyang ospital. Papayagan ba niyang mangyari iyon? At paano niya aawatin ang kanyang anak na na-in love sa tunay na anak ng mga taong nanakit sa kanya?