Underneath the Stars

Kagaya ng mga bituin sa langit, hindi na mabilang ang mga masasakit na salita na natanggap ni adelaide mula mismo sa mga taong pinapahalagahan niya.

Parati na lang siyang umiiyak dahil sa pag-iisip kung bakit isinilang siya na puro sakit lamang ang nadarama.

Pero...

Hindi niya man lang magawang saktan ang mga mahal niyang nanakit sa kanya lalo na ang pamilya niya dahil parang hinihiwa ang puso niya.Nagagawa naman niyang lumaban pero sa ibang tao nga lang.

Mismo pamilya niya, ayaw siyang tanggapin bilang kasapi kaya gabi-gabi napapaisip siya kung bakit.

Ampon ba siya? Anak ba siya sa labas? May kapansanan ba siya para ganung pananakit na lamang ang nararanasan niya sa bahay ng sariling pamilya?

Kaya eto na naman siya ngayon sa nakagawian niya, umaasa na naman sa isang lalaki na mahalin siya .

Malandi na nga siya kung maitatawag ng mga mapanghusgang tao dahil sa kababae niyang tao, siya ang palaging nagpapapansin. Siya ang unang nagpapahayag ng damdamin.

Ganun na lang kasi siya ka desperadang maramdaman kung paano mahalin ng totoo.

Pero...

Hanggang kailan siya magmumukhang tanga sa harap ng mga tao?

Gabi-gabi, mag-isa niyang tinatanaw ang mga bituin sa langit gamit ang mga matang puno ng kalungkutan.

Sana naman balang araw, pagmamasdan na niya ang mga ito gamit ang mga matang puno na ng kasiyahan dahil katabi na niya ang taong mahal niya at mamahalin siya.