The Greatest Revenge

Napahagulgol na lamang ako sa mga naririnig ko ngayon na naggagaling sakanya. Bakit? Bakit niya ako pinaniwala na siya 'yon? Ang lalaking mahal ko.

Kahit nanghihina ay pinilit ko pa ring magsalita. Gusto kong tanungin kung bakit niya ginawa sakin 'to. "B-bakit? Bakit mo ako pinaniwala na ikaw siya? Bakit mo ako pinaniwala na ikaw ang lalaking mahal ko?" Naiiyak ako, masakit sa puso ang ginawa niya.

"Dahil gusto kong maghiganti." Malamig na pagkakasabi niya. Nakatingin lamang siya sakin na blanko ang ekspresyon.

Bakit naman siya maghihiganti sakin? Gayung wala naman akong naaalala na may ginawa akong masama sakanya, kaya ba't siya maghihiganti? Argh! Litong-lito na ako! Gusto ko nang matapos ito.

Tinanong ko pa siya. "Wala akong ginagawang masama sayo, bakit ka maghihiganti saakin?" Sa hina ng pagkakasabi ko ay tila pabulong nalang, ngunit narinig niya pa din ito.

"Sakin wala, pero sakanya meron!" Ngayon, nagtaas na siya ng boses sakin. Nakikita ko naman ang umuusbong na galit sakanya.

"A-anong kasalanan ko sakanya? Sabihin mo na ng matapos na 'to! Please lang, p-pagod na pagod na ako." Napalakas na ang pag-iyak ko. Hindi ko na kayang pigilan pa ito.

"Sige, ipapaliwanag ko sayo lahat, lahat-lahat. Una, iniwan mo lang naman siya para sa isang lalaki mo. Pangalawa, nang dahil sayo, araw-araw, gabi-gabi, umiinom siya dahil gusto niya na makalimutan ka! Pangatlo, dahil sa sobrang sakit na nararamdaman niya, Nagpakamatay na lang siya upang hindi na makaramdam ng kirot pa sa puso. Kaya sige sabihin mo nga, 'yan ba yung walang kasalanang ginawa? Nang dahil sayo, napariwara siya! Kaya ito ang tatandaan mo, hinding-hindi kita mapapatawad sa ginawa mo." Hindi, h-hind totoo lahat ng s-sinabi niya!

Hindi ko siya iniwan para sa ibang lalaki, nagkaka-mali siya, hindi niya alam ang dahilan...