Forever Be My Love

Andrea Marie Santos

Masakit!
Sobrang sakit! Pero yun lang ang alam kong paraan para hindi na kami lalong masaktan pa. Nagawa ko yun dahil naisip kong mas lalo kaming mahihirapan at masasaktan kapag ipagpapatuloy pa namin.

Pagkatapos ng ginawa kong desisyon ay halos nawalan ako ng ganang mag-aral. Natutulala, minsan, napapaluha na lang bigla at walang ganang kumakain. Kapag naaalala ko siya ay napapaiyak ako hanggang sa makatulog. Lagi ko siyang iniisip. Pero sa tulong ng mga bago kong kaibigan ay unti-unting nawala ang sakit na nararamdaman ko. Bumalik ang sigla ko at nagawa ko ulit maging masaya. May mga araw na iniisip ko siya at napapangiti na lang ako sa mga alaalang kami ay naging masaya. May mga nanligaw rin sa akin pero lahat sila ay binalewala ko. Hindi pako handang magmahal dahil alam ko sa sarili kong SIYA pa rin ang laman ng puso ko.

James Jaime Llanes

Sa kauna-unahang pagkakataon ay nagpakalasing ako para mawala ang sakit na nararamdaman ko. Sobrang sakit ng ginawa niya. Parang hinihiwa ang puso ko sa maliliit na piraso. Sinubokan ko siyang tawagan at itext para sabihing bawiin niya ang mga sinabi niya pero wala akong sagot at reply na natanggap. Ginawa ko lahat ng paraan para makausap siya pero wala pa rin. Siguro... Siguro nakalimutan na niya ako at hindi na niya ko mahal.

Itinuon ko ang sarili ko sa pag-aaral. Naging inspirasyon ko ang pamilya ko para bumalik ang dating ako. Naging masaya naman ako pero minsan ay bigla ko na lang siyang naiisip. Pinupuntahan ko ang mga lugar kung saan kami namamasyal at naging masaya. Napapangiti na lang ako sa tuwing naaalala ko ang lahat. Kung kami talaga ang para sa isa't isa, KAMI HANGGANG HULI.